நடிகர் ஜெயராம் மகன் காளிதாஸ் நடிக்கும் ”ஒரு பக்க கதை” – தமிழில் அறிமுகம்!

| Published: Saturday, August 30, 2014, 17:14 [IST]

சென்னை: மலையாளத்திலும், தமிழிலும் பிரபலமான நடிகரான ஜெயராமின் மகன் காளிதாஸ் தமிழில் அறிமுகம் ஆக உள்ளார்.

"நடுவுல கொஞ்சம் பக்கத்த காணோம்" என்ற வெற்றிப் படத்தினை விஜய் சேதுபதியின் நடிப்பில் இயக்கியவர் பாலாஜி தரணிதரன்.

"என்னாச்சு?" என்ற வசனம் பிரபலமாவதற்கு காரணமே இப்படம்தான்.

ஒரு பக்க கதை:

இப்படத்தை தொடர்ந்து பாலாஜி தரணிதரன் இயக்கும் புதிய படத்திற்கு "ஒரு பக்க கதை" என்று பெயர் வைத்துள்ளனர். இப்படத்தின் படப்பிடிப்பை நாளை மறுநாள் கமல்ஹாசன் தொடங்கி வைக்கிறார்.

ஜெயராம் மகன் காளிதாஸ்:

பிரபல மலையாள நடிகர் ஜெயராமின் மகன் காளிதாஸ் இந்த படத்தின் மூலம் கதாநாயகனாக அறிமுகமாகிறார். கதாநாயகி இன்னும் தேர்வாகவில்லை.

ஒளிப்பதிவாளர்கள்:

"நடுவுல கொஞ்சம் பக்கத்த காணோம்" படத்தின் ஒளிப்பதிவாளர்களான சி.பிரேம்குமார் மற்றும் ஆர்.கோவிந்தராஜ் ஆகியோர் இப்படத்திலும் பணியாற்றவுள்ளனர்.

தயாரிப்பு, இசையும்:

இப்படத்திற்கு கோவிந்த மேனன் என்பவர் இசையமைக்கிறார். வாசன் விஷுவல்ஸ் வென்சர்ஸ் நிறுவனம் சார்பாக கே.எஸ்.ஸ்ரீனிவாசன் இப்படத்தை தயாரிக்கிறார்.