மீண்டும் இணையும் சூப்பர் கூட்டணி... அடுத்த கலாட்டாவிற்கு தயாராகும் ரசிகர்கள்

சிவா மனசுல சக்தி படம்

டைரக்டர் எம் ராஜேஷ் இயக்கத்தில் ஜீவா இணைந்து கலக்கிய சிவா மனசுல சக்தி படம் கடந்த 2009ல் வெளிவந்து பட்டையை கிளப்பியது. காமெடி சரவெடியாக வெளிவந்த இந்தப் படம் சிறப்பான காமெடி காட்சிகளை கொண்டு ரசிகர்களை கட்டிப் போட்டது.

ஜீவா -சந்தானம் கூட்டணி

படத்தில் ஜீவா -சந்தானம் கூட்டணி காமெடியில் கலக்கியது. இருவரும் காமெடியில் ஒருவருக்கொருவர் போட்டிப் போட்டு நடித்திருப்பார்கள். யுவன்சங்கர் ராஜா இசையில் பாடல்களும் வரவேற்பை பெற்றன. படத்தில் மேலும் அனுயா, ஊர்வசி, ஞான சம்பந்தம் உள்ளிட்டவர்களும் சிறப்பான நடிப்பை வெளிப்படுத்தியிருந்தனர்.

சிறப்பான நாயகி

மேலும் நாயகி அனுயாவின் நடிப்பும் படத்தில் சிறப்பாக இருந்தது. படத்தின் சிறப்பான நகர்வுக்கு அவர் முக்கிய காரணமாக அமைந்திருந்தார். நடிகை ஊர்வசியும் தன்னுடைய பங்கிற்கு சிறப்பாக நடித்திருந்தார். இன்றுவரை ரசிகர்களுக்கு பிடித்தமான காமெடியை படம் கொண்டிருந்தது.

புதிய படப்பூஜை

தற்போது மீம்களுக்கும் இந்தக் காமெடி பயன்பட்டு வருகிறது. தொடர்ந்து பல படங்களை இயக்கிய இயக்குநர் ராஜேஷ் தற்போது மீண்டும் ஜீவாவுடன் இணைந்துள்ளார். இவர்கள் இருவரும் கலக்கும் புதிய படத்திற்கான பூஜை தற்போது போடப்பட்டுள்ளது.

விரைவில் அறிவிப்பு

இந்தப் படம் குறித்த அதிகாரப்பூர்வ தகவல்கள் விரைவில் வெளியாகவுள்ளதாக கூறப்படுகிறது. மேலும் படத்தின் மற்ற நடிகர், நடிகைகள் குறித்த அறிவிப்பும் விரைவில் வெளியாகும் என்று எதிர்பார்க்கலாம். மொத்தத்தில் இந்தக் கூட்டணி மீண்டும் அமையும் பட்சத்தில் ரசிகர்களுக்கு சிறப்பான காமெடி விருந்தாக படம் அமையும்.

சிறப்பான கூட்டணி

நடிகர் ஜீவாவும் கலகலப்பு 2 படத்திற்கு பிறகு 83, நீ நல்லா வருவடா உள்ளிட்ட படங்களில் நடித்து வருகிறார். இந்நிலையில் ராஜேஷுடன் இணைந்து அவர் படம் செய்யும் பட்சத்தில் அது அவருக்கு சிறப்பாக அமையும் என்பதில் மாற்றுக் கருத்தில்லை.