நம்பவே முடியல.. சிண்ட்டு ஜி.. என்னுடைய நண்பரை இழந்துவிட்டேன.. நடிகர் கமல் உருக்கம்!

மருத்துவமனையில் அனுமதி

இருப்பினும் கடந்த சில மாதங்களாக அடிக்கடி உடல் நலக்குறைவு ஏற்பட்டது. நேற்று காலை அவரது உடல்நிலை மிகவும் மோசமடைந்தது. இதனை தொடர்ந்து அவரது மகனும் நடிகருமான ரன்பீர் கபூரும் அவரது தாயாரான நீத்து சிங் ஆகியோர் மும்பையில் உள்ள ஹெச் என் ரிலையன்ஸ் மருத்துவமனையில் அனுமதித்தனர்.

பிரபலங்கள் இரங்கல்

மருத்துவர்கள் தீவிர சிகிச்சையளித்து வந்த நிலையில் இன்று காலை ரிஷி கபூர் மரணமடைந்தார். அவரது திடீர் மரணத்தால் பாலிவுட் பிரபலங்கள் பெரும் அதிர்ச்சி அடைந்துள்ளனர். அவரது மறைவுக்கு பாலிவுட் மட்டுமின்ற இந்திய சினிமா பிரபலங்கள் பலரும் இரங்கல் தெரிவித்து வருகின்றனர்.

நல்ல நட்பு

இந்நிலையில் ரிஷி கபூரின் மறைவுக்கு நடிகர் கமல்ஹாசனும் இரங்கல் தெரிவித்துள்ளார். தமிழ் சினிமாவில் கமல் முன்னணி நடிகராக வலம் வந்துக் கொண்டிருந்த காலத்தில் இந்தியில் ரிஷி கபூர் முன்னணி நடிகராக திகழ்ந்து கொண்டிருந்தார். அப்போதே இருவருக்கும் இடையே நல்ல நட்பு ஏற்பட்டது.

நம்ப முடியல..

இந்நிலையில் ரிஷிகபூரின் மறைவுக்கு டிவிட்டரில் இரங்கல் தெரிவித்துள்ள கமல்ஹாசன், நம்ப முடியவில்லை. சிண்ட்டு ஜி..(மிஸ்டர் ரிஷி கபூர்) எப்போதும் சிரிப்புடன் தயாராக இருந்தார். நாம் பரஸ்பரம் அன்பும் மரியாதையும் கொண்டிருந்தோம். என்னுடைய நண்பரை இழந்துவிட்டேன்.. அவரது குடும்பத்திற்கு எனது ஆழ்ந்த இரங்கல்.. என உருக்கமாக தெரிவித்துள்ளார்.

இவ்வளவு சீக்கிரமா

நேற்று பிரபல பாலிவுட் மற்றும் ஹாலிவுட் நடிகரான இர்பான் கான் இறந்தபோது இவ்வளவு சீக்கிரம் போகனுமா இர்பான்ஜி, நீங்கள் நீண்ட காலம் வாழ வேண்டும் என ஆசைப்பட்டேனே என உருக்கமாக கூறியிருந்தார் கமல் என்பது குறிப்பிடத்தக்கது.