அட அப்படி இல்லப்பா.. இப்படி ஆடு.. டான்ஸ் சொல்லி தரும் மன்சூர் அலிகான்!

நடிகர் மன்சூர் அலிகான்

நடிகர் மன்சூர் அலிகானுக்கு மிகப்பெரிய திருப்புமுனையை ஏற்படுத்திய திரைப்படம் எது என்றால் அது கேப்டன் பிரபாகரன் தான். அந்த படத்தில் மன்சூர் அலிகானின் நடிப்பை பார்த்த பலர் ஆத்தாடி இந்த மனுஷன் என்னய்யா இப்படி பண்றாரு என கேட்டனர். அந்த படத்தை தொடர்ந்து தமிழ் சினிமாவில் வில்லனாக கொடிகட்டிப் பறக்கத் தொடங்கினார் மன்சூர் அலிகான்.

ஆத்தாடி யாருப்பா இவரு

ரஜினி, விஜயகாந்த், கமல், விஜய் போன்ற பல முன்னணி நட்சத்திரங்களின் படங்களில் நடித்து இருக்கிறார். வில்லனாக நடுங்கவைத்த மன்சூர் அலிகான் சரவணன் இருக்க பயமே, குலேபகாவலி, என்ஜிகே, ஜாக்பாட் போன்ற படங்களில் காமெடியனாக நடித்துள்ளார். அட இவரு என்னய்யா எந்த கேரக்டர் கொடுத்தாலும் பின்னுறாருனு ரசிகர்கள் அவரை பாராட்டினார்கள்.

“சக்கு சக்கு வத்திக்குச்சி“

நடிப்பு மட்டுமல்ல டான்சும் சூப்பரா வரும் என்பதை நிரூபித்து வருகிறார் மன்சூர் அலிகான். சமீபத்தில் லோகேஷ்கனகராஜ் இயக்கத்தில் உருவான விக்ரம் படத்தில் "சக்கு சக்கு வத்திக்குச்சி" பாடல் சண்டை காட்சியில் பயன்படுத்தப்பட்டு இருந்தது. 1995ம் ஆண்டு வெளியான அசுரன் பட பாடலை தூசு தட்டி எடுத்து விக்ரம் படத்தில் நுழைந்து தெறிக்கவிட்டிருந்தார் லோகேஷ். இப்படி பழைய பாட்டை படங்களில் பயன்படுத்துவது லோகேஷ் கனகராஜின் தனி ஸ்டைல்.

அட அப்படி இல்லப்பா

சக்கு சக்கு பாட்டிற்கு கலக்கலாக ஆட்டம்போட்டு அனைவரையும் வாய்பிளக்க வைத்த மன்சூர் அலிகான். டான்ஸ் மாஸ்டர்களுக்கே சவால் விடும் வகையில் டான்ஸ் ஆடும் வீடியோவை வெளியிட்டுள்ளார். அந்த வீடியோவில், அட அப்படி இல்லப்பா இப்படி ஆடு என்று தனது குழுவுக்கு சொல்லி கொடுத்தது மட்டும் இல்லாமல், ஒரு பெண் டான்சரை முதுகிலும் இடுப்பிலும் வைத்து வளைத்து வளைத்து ஆடிஉள்ளார். இணையத்தில் இந்த வீடியோ வைரலாகி வருகிறது.