Don't Miss!
- Technology வெளுத்துக்கட்டுது சேல்.. ரூ.21,000 போதும்.. SONY கேமரா.. AMOLED டிஸ்பிளே.. 67W சார்ஜிங்.. எந்த மாடல்?
- Automobiles மாருதியின் இந்த கார்களின் டேங்கை ஃபுல் பண்ணா 1,200கிமீ போகலாமா.. இதுக்காக பிரச்சாரம் செய்யவே தொடங்கிட்டாங்க!
- News என்ன வேகம்! கிளாம்பாக்கம் தோத்துடும் போலயே.. செங்கல்பட்டில் இவ்வளவு பெரிய பேருந்து நிலையமா?
- Sports SRH vs GT : பல்தான்ஸ்.. நமக்கு இவ்வளவு பெரிய சோதனை வந்தது ஏன்? ஓய்வறையில் ஓபனாக பேசிய ஹர்திக்!
- Finance தங்கம் விலை மீண்டும் உயர்வு.. இனி இதுதான் நிரந்தரமா? சாமானிய மக்களால் தங்கத்தை வாங்கவே முடியாதா..?
- Lifestyle ஹிட்லரின் ஆட்சியில் செய்யப்பட்ட மகத்தான சாதனைகள்... ஹிட்லருக்கே தெரியாம இவ்வளவு நல்லது பண்ணிருக்காரா?
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
புற்றுநோய் பாதிப்பு..சிகிச்சை பெற்று வந்த 26 வயது நடிகர் திடீர் உயிரிழப்பு.. திரையுலகம் அதிர்ச்சி!
சென்னை: புற்றுநோய் பாதிப்பு காரணமாக சிகிச்சை பெற்று வந்த இளம் நடிகர் உயிரிழந்தார். இது திரையுலகில் அதிர்ச்சியை ஏற்படுத்தி இருக்கிறது.
கொரோனா பாதிப்பு காரணமாக பொதுமக்கள் தவித்து வருகின்றனர். லாக்டவுனால் பலரது வாழ்வாதாரம் கடுமையாகப் பாதிக்கப்பட்டுள்ளது.
இதற்கு சினிமா நடிகர், நடிகைகள் மற்றும் சினிமா தொழிலாளர்களும் விதி விலக்கல்ல. அவர்களும் கடுமையாகப் பாதிக்கப்பட்டுள்ளனர்.
பட்டனை கழட்டி... ஊரடங்கிலும் அடங்காத கரிஷ்மா நடிகை !
திடீர் மரணங்கள்
படப்பிடிப்பு இல்லை என்பதால் சின்ன சின்ன வேடங்களில் நடித்துவரும் நடிகர்களும் பொருளாதாரச் சிக்கலுக்கு ஆளாகி உள்ளனர். அவர்களின் வாழ்வாதாரமும் கேள்விக்குரியதாக இருக்கிறது. அவர்களும் கடும் நெருக்கடியை சந்தித்து வருகின்றனர். இது ஒரு புறமிருக்க, பாலிவுட்டில் தொடரும் நடிகர்களின் திடீர் மரணங்கள் திரையுலகினருக்கு அதிர்ச்சி அளித்து வருகிறது.
நடிகர்கள் உயிரிழப்பு
பிரபல இந்தி நடிகர் இர்பான் கான், புற்றுநோய்-க்கு சிகிச்சைப் பெற்று வந்த நிலையில் மும்பையில் திடிரென மரணமடைந்தார். அவர் மரணமடைந்த அடுத்த சில நாட்களிலேயே பிரபல நடிகர் ரிஷிகபூர் உயிரிழந்தார். இதனால் இந்தி திரையுலகம் அதிர்ச்சியில் உறைந்தது. இவர்களை அடுத்து மேலும் சில சினிமா, சீரியல் நடிகர்கள் உயிரிழந்தனர்.
Recommended Video
புற்றுநோய்
இப்போது இளம் நடிகர் மோகித் பஹேல் (Mohit Baghel) உயிரிழந்துள்ளார். இவர் சல்மான் கான், அசின் நடிப்பில் அனீஸ் பாஸ்மி இயக்கிய ரெடி படத்தில் நடித்திருந்தார். மேலும் காலி காலி சோர் ஹே உட்பட சில படங்களில் நடித்துள்ளார். புற்றுநோயால் பாதிக்கப்பட்டிருந்த மோகித், டெல்லி எய்ம்ஸ் மருத்துவமனையில் அதற்காகச் சிகிச்சை பெற்று வந்தார்.
இந்தி திரையுலகம்
லாக்டவுன் காரணமாக தனது சொந்த ஊரான உத்தரபிரதேச மாநிலம் மதுரா சென்றிருந்தார். அங்கு பெற்றோர் மற்றும் தனது சகோதரனுடன் வசித்து வந்த அவர், நேற்று காலை திடீரென உயிரிழந்தார். அவருக்கு வயது 26. இதை இந்திப் பட இயக்குனர் ராஜ் சாண்டில்யா உறுதிப்படுத்தி உள்ளார். மோகித் பஹேலின் உயிரிழப்பு இந்தி திரையுலகில் அதிர்ச்சியை ஏற்படுத்தி உள்ளது.
பரினீதி சோப்ரா
இதையடுத்து இந்தி நடிகை பரினீதி சோப்ரா, 'திறமையான நடிகர் ஒருவரை இளம் வயதில் இழந்துவிட்டோம்' என்று தெரிவித்துள்ளார். நடிகர் சித்தார்த் மல்ஹோத்ரா, ட்விட்டரில் கூறியுள்ள இரங்கலில், இந்த செய்தியை கேள்விபட்டு அதிர்ச்சி அடைந்தேன். ஒன்றாக பணியாற்றி உள்ளோம். திறமையான, துடிப்பான இளம் நடிகர் அவர்' என்று தெரிவித்துள்ளார். மேலும் பலர் இரங்கல் தெரிவித்துள்ளனர்.