'என்னைக் காமெடியன் ஆக்கிட்டாங்க...' - நாசர் பாவம்!

மறுப்பதில்லை :

'இதுவரை நான் பலதரப்பட்ட வேடங்களில் நடித்து விட்டேன். எந்தமாதிரியான வேடங்களில் நடிக்க அழைத்தாலும் நான் மறுப்பதில்லை. ஒரு நடிகன் எந்தமாதிரியான வேடம் கொடுத்தாலும் நடிப்பது தான் அழகு என்பதால் நம்பிக்கொடுக்கிற வேடங்களை மறுக்காமல் நடித்து வருகிறேன்.

காமெடியன் ஆக்கிட்டாங்க :

தற்போது சில படங்களில் என்னை காமெடியனாக்கி வருகிறார்கள். நானும் காமெடி வேடங்களில் நடித்து விடுவேன் என்றாலும் அதை ரசிகர்கள் எந்த அளவுக்கு ரசிப்பார்கள் என்பதை நினைக்கும்போது எனக்கு கொஞ்சம் பயம் ஏற்படும்.

எனக்கே பயமா இருக்கு :

அப்படி மனதளவில் பயம் ஏற்படும்போது டைரக்டர்களிடம் சொல்வேன். அப்போது அவர்கள், நல்லாதான் பண்றீங்க, சிரிக்கிற மாதிரிதான் இருக்கு என்பார்கள். அப்படி அவர்கள் கொடுக்கும் தைரியத்தில்தான் தொடர்ந்து நடித்து வருகிறேன்.

இன்னும் சில படங்களில் :

தற்போது நான் மேலும் சில படங்களில் காமெடி வேடத்தில் நடித்திருக்கிறேன். அந்தப் படங்கள் திரைக்கு வரும்போது ரசிகர்கள் என்னை அங்கீகரித்து விட்டால் சந்தோஷப்படுவேன்' என்கிறார் நாசர்.