Don't Miss!
- News பொத்தென விழுந்த மேற்கூரை.. 3 பேரை அமுக்கி கொன்ற சென்னை பப் விபத்து பற்றி காவல்துறை விளக்கம்
- Automobiles உலகின் தலை சிறந்த கார் எது தெரியுமா? விருதை தட்டி சென்ற கியா தயாரிப்பு! சும்மா ஒன்னும் இதை தூக்கி கொடுத்திடல..
- Sports ரிஷப் பண்ட்க்கு 2 முறையும் லக் இல்ல.. தொடர்ந்து 2வது வெற்றியை பெற்ற ராஜஸ்தான்.. ரியான்,ஆவேஷ் அபாரம்
- Lifestyle வரப்போகிற சூரிய கிரகணம் இந்த 4 ராசிக்காரங்களுக்கு பெரிய துரதிர்ஷ்டத்தை தரப்போகுதாம்..ரொம்ப ஜாக்கிரதையா இருங்க!
- Education யுபிஎஸ்சி ஐஎஃப்எஸ் தேர்வு நேர்காணல் தேதி அறிவிப்பு
- Travel டைட்டானிக் கப்பல் மூழ்கி இருக்கலாம் – ஆனால் அதைப் பற்றிய சுவாரஸ்யமான உண்மைகள் மறையாது!
- Technology குறைஞ்சது 4 -5 நாள் ஆகும்.. கடைசி நேரத்துல அலையாதீங்க.. Voter ID-க்கான முக்கிய வேலை.. உடனே செஞ்சிடுங்க!
- Finance தொழில்நுட்ப துறையில் தொடரும் பணிநீக்கம்.. பெரு நிறுவனங்களின் அதிரடி முடிவுக்கு காரணம் என்ன?..
நந்தினியை பாராட்டிய சின்ன பழுவேட்டரையர்.. முழுநிலவு என புகழ்ச்சி!
சென்னை : முன்னணி நடிகர்களுடன் பொன்னியின் செல்வன் படத்தில் களமிறங்கியுள்ளார் இயக்குநர் மணிரத்னம்.
மிகவும் பிரம்மாண்டமாக லைகா நிறுவனத்துடன் இணைந்து தன்னுடைய மெட்ராஸ் டாக்கிஸ் நிறுவனத்துடன் படத்தை தயாரித்துள்ளார்.
படத்தில் நடிகர், நடிகைகள் தேர்வு மிகவும் சிறப்பாக அமைந்துள்ளது. படம் புக்கிங் துவங்கியுள்ள அனைத்து இடங்களிலும் உடனடியாக விற்றுத் தீர்ந்து வருகிறது.
விக்னேஷ் சிவன் இயக்கும் AK 62 படத்தில் அஜித்துக்கு வில்லன்…. உண்மையை சொன்ன கெளதம் மேனன்
பொன்னியின் செல்வன் படம்
நடிகர்கள் ஜெயம் ரவி, கார்த்தி, விக்ரம், ஐஸ்வர்யா ராய், த்ரிஷா என முன்னணி நடிகர்களுடன் பொன்னியின் செல்வன் படத்தில் களமிறங்கியுள்ளார் இயக்குநர் மணிரத்னம். தன்னுடைய மெட்ராஸ் டாக்கிஸ் நிறுவனத்துடன் லைகாவுடன் இணைந்துள்ளார். மிகவும் பிரம்மாண்டமாக உருவாகியுள்ளது படம்.
சிறப்பான பிரமோஷன்
படத்திற்கு மிகச்சிறந்த பிரமோஷனை படக்குழு கொடுத்துள்ளது. தொடர்ந்து இந்த பிரமோஷன்கள் முடியாத நிலையில், படத்திற்கான எதிர்பார்ப்பு மிகவும் அதிகமாக காணப்படுகிறது. படத்தின் புக்கிங்குகள் வெளிநாடுகளிலும் துவங்கியுள்ள நிலையில், அனைத்து இடங்களிலும் டிக்கெட்டுகள் விற்றுத் தீர்ந்துள்ளன.
பிரமோஷனல் டூர்
படத்தின் பிரமோஷனல் டூரிலும் படக்குழு தொடர்ந்து ஈடுபட்டு வருகிறது. கடந்த சில தினங்களுக்கு முன்பு சென்னையில் துவங்கிய இந்தப் பயணம் திருவனந்தபுரம், பெங்களூரு, ஐதராபாத், மும்பை ஆகிய இடங்களில் தொடர்ந்து தற்போது டெல்லியில் நிலைகொண்டுள்ளது. செல்லும் இடங்களில் எல்லாம் சிறப்பான வரவேற்பையும் பெற்று வருகிறது.
வரலாற்று கேரக்டர்கள்
படத்தின் ஆதித்த கரிகாலன், வந்தியத் தேவன், அருள்மொழி வர்மன், நந்தினி, குந்தவை என வரலாறு சிறப்பு மிக்க கேரக்டர்களை நாம் நேரில் பார்க்க முடியாவிட்டாலும், அந்தக் கேரக்டர்களை கண்முன்னே கொண்டு வந்துள்ளனர் நடிகர்கள். மணிரத்னம் இந்தப் படத்தில் கேரக்டர் தேர்வை சிறப்பாக செய்துள்ளார். அல்லது, தேர்விற்கு பிறகு நடிகர்களை கேரக்டருக்காக சிறப்பாக வடிவமைத்துள்ளார் என்று கூறலாம்.
மணிரத்னம் மேஜிக்
இந்தப் படத்தின் ஒவ்வொரு கேரக்டரும் முக்கியமானது என்ற வகையில் சிறிய சிறிய கேரக்டர்களுக்கும் முக்கியத்துவம் கொடுக்கப்பட்டு படம் உருவாகியுள்ளது. இந்தப் படத்தில் தனக்கேயுரிய மேஜிக்கை நிகழ்த்தியுள்ளார் மணிரத்னம். படத்தின் சிறப்பான பிரமோஷன்கள் படத்திற்கான எதிர்பார்ப்பை அதிகரித்துள்ளது.
ஐஸ்வர்யா ராய்க்கு பார்த்திபன் பாராட்டு
இதனிடையே படத்தில் சின்ன பழுவேட்டரையராக நடித்துள்ள பார்த்திபன், நந்தினியாக நடித்துள்ள ஐஸ்வர்யா ராயுடன் எடுத்துக் கொண்டுள்ள புகைப்படங்களை பகிர்ந்து படத்தில் மற்றும் தனிப்பட்ட முறையில் அவரது டெடிகேஷனை பாராட்டியுள்ளார். மேலும் ஐஸ்வர்யா ராய், சரத்குமாருடன் எடுத்துக் கொண்ட புகைப்படத்தையும் பகிர்ந்துள்ளார்.
முழு நிலவு என பாராட்டு
பிறைநிலவு வானில் இருந்து மறையும் முன்னே, முழுநிலவாய் படப்பிடிப்பு தளத்தில் நுழைபவர் என்று ஐஸ்வர்யா ராயை பாராட்டியுள்ளார். மேலும் வசனங்களை மனப்பாடம் செய்துவிட்டு ஒன்மோர் கேட்காதவண்ணம் தயாராகிவிட்டு, அனைவருடனும் அன்புடன் பழகி வருகிறார் என்றும் தெரிவித்துள்ளார்.
ஐஸ் வாரியத்தின் டெடிகேஷன்
மேலும் ஐஸ் வாரியம் என்றும் அவரை புகழ்ந்துள்ளார். தாயான பிறகும் தான் விரும்பும் கலையை தொடர ஆரோக்கியத்தை அழகை காத்திட கடும் முயற்சியும் விடா பயிற்சியும் செய்வதாகவும் பாராட்டுத் தெரிவித்துள்ளார். இவர்கள் இணைந்துள்ள புகைப்படங்கள் சமூக வலைதளங்களில் வைரலாகி வருகின்றன.