"உங்க வீட்டு பொண்ணுங்க உள்ளாடை போடாம போனா சுதந்திரனும்னு கைதட்டுவீங்களா?".. பிரபல நடிகை ஆவேசம்

மது பேட்டி

பிக்பாஸ் வீட்டில் மாலையில் உள்ளாடை போடாமல் ட்ரான்ஸ்பரென்ட் உடையில் சுற்றியதாக அவர் குற்றம் சாட்டினார். மதுவின் இந்த பேச்சுக்கு ஆதரவைப் போலவே கடும் எதிர்ப்பும் எழுந்தது. அதெப்படி பெண்கள் உடை அணிவதைப் பற்றி விமர்சிக்கலாம், அது அவர்களது சுதந்திரம் என எதிர்பாளர்கள் வாதிட்டனர்.

அபி பதிலடி

அபிராமியும் கூட தனது இன்ஸ்டா பக்கத்தில், ‘நேர்கொண்ட பார்வை படத்துக்கு அவங்களுக்கு (மதுவுக்கு) டிக்கெட் எடுத்துக் கொடுங்க. உங்கள உயர்த்திக் காட்டணும்னு ஏன் மத்தவங்களை கேவலப் படுத்துறீங்க' என அஜித் வசனத்தைப் பேசி தனது எதிர்ப்பை பதிவு செய்திருந்தார்.

சாண்ட்ராவின் பதிவு

இந்நிலையில், பிரபல நடிகர் ப்ரஜனின் மனைவியும், நடிகையுமான சாண்ட்ரா இது பற்றி தனது இன்ஸ்டாகிராம் பக்கத்தில் காட்டமாக பதிவு ஒன்றை வெளியிட்டுள்ளார். அதில் அவர், "இந்த ஸ்டேட்மெண்ட் எப்படி மதுமிதாவுக்கு எதிராக திரும்பியது என்றே தெரியவில்லை. அவர் பேசியதில் என்ன தவறு.

சரமாரிக் கேள்வி

உங்கள் வீட்டு பெண்கள் அப்படி உள்ளாடை அணியாமல் பொதுமக்கள் கூடும் இடத்தில் நடந்து சென்றால் சும்மா இருப்பீர்களா. இப்படி உடை அணிவது தான் சுதந்திரமா? உள்ளாடை போடாமல் போனால் சுதந்திரம்னு கைதட்டுவீங்களா?" என சரமாரியாக கேள்வி எழுப்பியுள்ளார்.

பாராட்டு

சாண்ட்ராவின் இந்தப் பதிவிற்கும் வழக்கம் போல் சிலர் ஆதரவாகவும், பலர் எதிர்ப்பாகவும் கமெண்ட் வெளியிட்டு வருகின்றனர். தவறு என விமர்சிப்பவர்கள் மோசமான வார்த்தைகளால் அவரைத் திட்டியுள்ளனர். அதே சமயம் நல்ல விசயத்தைப் பற்றி பேசியுள்ளதாக சாண்ட்ராவைப் பலர் பாராட்டியும் உள்ளனர். சிலர் உங்களுக்கெதற்கு இந்த வீண் வேலை எனவும் விமர்சித்துள்ளனர்.