வட சென்னை மக்களின் தாகத்தை போக்கும் ரஜினி! கெத்துதான்!

அரசியல் பணிகள்

அதே நேரத்தில் ரஜினிகாந்த் தொடர்ந்து பல படங்களில் கமிட் ஆகி வருகிறார். இருப்பினும் அரசியல் சம்பந்தமான பணிகளும் தொடர்ந்து நடைபெற்று வருகிறது.

ரஜினி வழங்கும் தண்ணீர்

இந்நிலையில் நடிகர் ரஜினிகாந்த் சென்னையில் நிலவும் தண்ணீர் பஞ்சத்தை போக்கும் வகையில் மக்களுக்கு உதவி வருகிறார். சென்னையில் கடுமையான தண்ணீர் தட்டுப்பாடு நிலவி வரும் நிலையில் தனது மன்றத்தினர் மூலமாக குடி நீர் வழங்க ஏற்பாடு செய்துள்ளார் ரஜினிகாந்த்.

லாரிகளில் சப்ளை

தமிழகத்தின் பல பகுதிகளிலும் கடும் தண்ணீர் தட்டுப்பாடு நிலவும் இடங்களுக்கு ரஜினி மக்கள் மன்றம் சார்பில் தண்ணீர் விநியோகம் செய்யப்படுகிறது. அதேபோல் வட சென்னை பகுதியிலும் மக்கள் ரஜினி மக்கள் மன்றத்தினர் லாரிகளில் குடிநீர் சப்ளை செய்து வருகின்றனர்.

ரஜினிக்கு பாராட்டு

ஒரு பக்கம் தமிழக அரசு தண்ணீர் பிரச்சனையை போக்க ஜோலார் பேட்டையில் இருந்து சென்னைக்கு குடிநீர் கொண்டு வருகிறது. மறுபக்கம் திமுக உள்ளிட்ட கட்சிகளும் மக்களுக்கு தண்ணீர் வழங்கி வருகின்றனர். இந்நிலையில் ரஜினியும் தனது பங்குக்கு மக்களுக்கு தண்ணீர் வழங்க ஏற்பாடு செய்திருப்பது மக்களின் பாராட்டை பெற்றுள்ளது.