ரஜினியின் ஜெயிலர் பட ஷுட்டிங் ஸ்பாட் புகைப்படங்கள்.. நெல்சன் கொடுத்த மாஸ் போஸ்!

நடிகர் ரஜினிகாந்த்

நடிகர் ரஜினிகாந்தின் அண்ணாத்த படத்தை தொடர்ந்து தற்போது ஜெயிலர் படத்தின் சூட்டிங் சென்னை உள்ளிட்ட இடங்களில் நடைபெற்று வருகிறது. இந்தப் படத்தையும் சன் பிக்சர்சே தயாரித்து வருகிறது. படத்தை இயக்குநர் நெல்சன் திலீப்குமார் இயக்கி வருகிறார். படத்தின் சூட்டிங் கடந்த சில மாதங்களுக்கு முன்பு துவங்கி விறுவிறுப்பாக நடைபெற்று வருகிறது.

சூட்டிங்கை துரிதப்படுத்தும் நெல்சன்

பீஸ்ட் படத்தின் கலவையான விமர்சனங்களை தொடர்ந்து நெல்சன் திலீப்குமார், ரஜினியின் இந்தப் படத்தை இயக்குவாரா என்ற சந்தேகம் எழுந்தது. ஆனால், படத்தை நெல்சன் தற்போது இயக்கி வருகிறார். படத்தின் 75 சதவிகித சூட்டிங், சென்னை உள்ளிட்ட இடங்களில் நடந்து முடிந்துள்ளது.

ராஜஸ்தானில் நடைபெறும் சூட்டிங்

படத்தில் ரஜினியுடன், ரம்யா கிருஷ்ணன், தமன்னா, சிவராஜ்குமார், ஜாக்கி ஷெராப், வசந்த் ரவி, மலையாள நடிகர் வினாயக், யோகிபாபு மற்றும் கேமியோ ரோலில் மோகன்லால் உள்ளிட்டவர்கள் நடித்து வருகின்றனர். தற்போது படத்தின் சூட்டிங் ராஜஸ்தானில் நடைபெற்று வருகிறது.

சூட்டிங் ஸ்பாட் புகைப்படங்கள்

படத்திற்கு அனிருத் இசையமைத்து வருகிறார். இந்நிலையில், ராஜஸ்தானின் ஜெய்சல்மாரில் படத்தின் ஆக்ஷன் காட்சிகள் படமாக்கப்பட்டு வருகின்றன. இது தொடர்பான புகைப்படங்கள் தற்போது சமூக வலைதளங்களில் பகிரப்பட்டு வருகிறது. இயக்குநர் நெல்சன் திலீப்குமார் மாஸாக போஸ் கொடுத்துள்ள புகைப்படமும் பகிரப்பட்டுள்ளது.

ரஜினிகாந்த் வீடியோ பகிர்வு

இதேபோல படப்பிடிப்பு தளத்தில் சில புகைப்படங்களும் வெளியாகியுள்ளன. இதில் வாகனங்கள் கவிழ்ந்துள்ளதாக காணப்படுகிறது. ரஜினிகாந்த்துடன் அவரது ரசிகர்கள் புகைப்படம் எடுக்க ஆர்வம் காட்டுவதாகவும் புகைப்படங்கள் வெளியாகியுள்ளன. கடந்த சில தினங்களுக்கு முன்பு ராஜஸ்தானுக்கு ரஜினிகாந்த் சென்ற வீடியோ வெளியானது குறிப்பிடத்தக்கது.

ரஜினியின் பெஸ்ட்

ரஜினியின் அண்ணாத்த படம் கடந்த ஆண்டில் வெளியாகி கலவையான விமர்சனங்களையே பெற்றது. அண்ணன் -தங்கை பாசத்தை மையமாக கொண்டு வெளியான இந்தப் படத்தில் ரஜினியின் தங்கையாக கீர்த்தி சுரேஷ் நடித்திருந்தார். இந்நிலையில், ஜெயிலர் படம் ரஜினியின் பெஸ்டாக வெளியாகும் என்று ரசிகர்கள் நம்பிக்கை தெரிவித்துள்ளனர்.