“சேரனை மட்டுமல்ல பாக்யராஜையும் இப்படித்தான் பேசினார்”... சரவணன் பற்றி வீடியோ வெளியிட்ட ரமேஷ் கண்ணா!

சண்டை:

பிக் பாஸ் நிகழ்ச்சியில் சேரனுக்கும், சரவணணுக்கு இடையே நடந்த சண்டையை தான் இப்போது உலகம் முழுவதும் பேசிக்கொண்டிருக்கிறார். நிச்சயம் சரவணன் அவ்வாறு தவறு செய்திருக்க மாட்டார். அவர் செய்யவும் கூடாது.

மரியாதை தேவை:

ஏனென்றால் சரவணனுடன் சேரன் வயதில் சிறியவராகவோ, பெரியவராகவோ இருக்கலாம். ஆனால் அவருடைய படைப்புகளுக்கு நாம் மரியாதை கொடுத்தாக வேண்டும். பொற்காலம், பாரதி கண்ணம்மா, ஆட்டோகிராப், தவமாய் தவமிருந்து போன்ற அருமையான சினிமாக்களை தந்தவர் அவர்.

பொதுவெளி:

அவரை பொதுவெளியில் இப்படி பேசக்கூடாது. ஏனெனில் அந்த (பிக் பாஸ்) நிகழ்ச்சியை குழந்தைகள் உள்பட நிறைய பேர் பார்க்கிறார்கள். இதன் மூலம் உங்கள் மீது இருக்கும் மரியாதை தான் குறைந்துவிடும்.

டென்ஷன் பார்ட்டி:

ஏற்கனவே சரவணன் கொஞ்சம் டென்ஷன் பார்ட்டி தான். அவருடன் நான் அபிராமி, பொண்டாட்டி ராஜ்ஜியம் போன்ற படங்களில் பணியாற்றி இருக்கிறேன். அவர் நல்லவர் தான். ஆனால் சட்டென கோபப்பட்டுவிடுவார்.

சர்ச்சைப் பேச்சு:

சரவணனுக்கு கோபம் நிறைய வரும். ஒருபேட்டியில் பாக்யராஜ் நடிகரே இல்லை என்று பேசிவிட்டார். எம்ஜிஆரால் தன்னுடைய கலையுலக வாரிசு என அழைக்கப்பட்டவரை நடிகரே இல்லை என எப்படி சொல்கிறீர்கள் என நானே அவரிடம் கேட்டேன். எனவே சரவணன் கொஞ்சம் கோபத்தை அடக்கிக்கொள்ள வேண்டும்.

மன்னிப்பு கேட்பார்:

பெரியார் பற்றி கேள்விப்பட்டிருப்பீர்கள். தன்னுடன் வயதில் சிறியவராக இருந்தாலும் வாங்க, போங்க என மரியாதை கொடுத்து பேசுவார். அப்படி மற்றவர்களுக்கு மரியாதை கொடுக்கும் தமிழர் பரம்பரையில் இருந்து வந்தவர்கள் நாம். ஆகவே சரவணன் தனது போக்கை மாற்றிக்கொள்ள வேண்டும். ஏற்கனவே இரண்டு, மூன்று முறை மன்னிப்பு கேட்டிருக்கிறார். எனவே இப்போதும் மன்னிப்பு கேட்பார் என நினைக்கிறேன்", என ரமேஷ் கண்ணா கூறியுள்ளார்.