யுவன் சங்கர் ராஜாவுடன் இணையும் ரஷ்மிகா மந்தனா.. வெளியானது டாப் டக்கர் ஆல்பம் ஃபர்ஸ்ட் லுக் போஸ்டர்!

| Published: Thursday, January 14, 2021, 16:50 [IST]

மும்பை : தென்னிந்திய திரைப்படங்களில் கலக்கிக் கொண்டிருந்த நடிகை ரஷ்மிகா மந்தனா பாலிவுட்டிலும் கால் தடத்தை பதித்து வருகிறார்.

அடுத்தடுத்து இரண்டு ஹிந்தி திரைப்படங்களில் ஒப்பந்தமாகி திரையுலகினரை அதிர வைத்த ரஷ்மிகா மந்தனா சமீபத்தில் தனது கனவு கார் ஒன்றை வாங்கி அந்த சந்தோஷத்தை ரசிகர்களுடன் பகிர்ந்து கொண்டார்.

இந்நிலையில் இப்பொழுது இசையமைப்பாளர் யுவன் சங்கர் ராஜா மற்றும் பலருடன் இணைந்து ராஷ்மிகா மந்தனாவின் நடிப்பில் உருவாகியிருக்கும் டாப் டக்கர் ஆல்பம் கலர்ஃபுல்லான போஸ்டர் இப்பொழுது வெளியாகி உள்ளது.

தமிழுக்கு அறிமுகமாக

கைதி திரைப்படத்தின் பிரம்மாண்ட வெற்றிக்கு பிறகு நடிகர் கார்த்தி நடித்துவரும் சுல்தான் திரைப்படம் நடித்த திரைப்படங்களிலேயே அதிக பொருட்செலவில் உருவாகி வருகிறது என சொல்லப்படும் நிலையில் இதனை ட்ரீம் வாரியர் பிக்சர்ஸ் தயாரிக்க ரஷ்மிகா மந்தனா கதாநாயகியாக நடித்து தமிழுக்கு அறிமுகமாக உள்ளார்.

பாலிவுட்டிலும் அடியெடுத்து

கீதா கோவிந்தம், டியர் காம்ரேட் போன்ற திரைப்படங்களில் விஜய்தேவரகொண்டா உடன் இணைந்து ஜோடி போட்டு நடித்து தனது க்யூட்டான நடிப்பின் மூலம் மிகவும் பிரபலமாகி முன்னணி நடிகையாக உயர்ந்து வரும் ரஷ்மிகா மந்தனா வுக்கு அடுத்தடுத்து வாய்ப்புகள் குவிந்து வர பாலிவுட்டிலும் அடியெடுத்து வைக்கிறார்.

மிஷன் மஞ்சு

அறிமுகமான குறுகிய காலத்திலேயே இப்போது உயரிய இடத்தை எட்டியுள்ள ரஷ்மிகா மந்தனாவுக்கு முன்னணி நடிகைகளுக்கு இணையாக பல கோடி ரூபாய் சம்பளம் என சொல்லப்பட்டு வரும் நிலையில் இப்போது ஹிந்தியில் உண்மை சம்பவங்களை மையமாக கொண்டு பிரம்மாண்டமாக உருவாகி வரும் மிஷன் மஞ்சு திரைப்படத்தில் சித்தார்த் மல்கோத்ராக்கு ஜோடியாக நடித்து ஹிந்தியில் தனது அறிமுகத்தை கொடுக்கவுள்ளார்.

இசையமைப்பாளர்கள் யுவன் சங்கர் ராஜா

பாலிவுட்டின் பிரபல தயாரிப்பு நிறுவனமான yrf தயாரிக்கும் புதிய பேப்பே ஆல்பமுக்கு இசையமைப்பாளர்கள் யுவன் சங்கர் ராஜா, உச்சன அமித் பாட்சா ஆகியோரின் இசையில் அம்மா செல்லம்மா பாடலை பாடிய ஜொனிதா காந்தி குரலில் உருவாகியிருக்கும் "டாப் டக்கர்" ஆல்பம் பாடலில் ரஷ்மிகா மந்தனா நடித்து புது அவதாரத்தை எடுத்திருக்கும் நிலையில் இதன் ஃபர்ஸ்ட் லுக் போஸ்டர் இப்பொழுது வெளியாகி இணையதளத்தை கலக்கி வருகிறது. விரைவில் பாடல் வெளியாக உள்ள நிலையில் இதனை இயக்குனர் அமர்ப்ரீத் ஜிஎஸ் சாப்ரா இயக்கி வருகிறார்.