Don't Miss!
- Automobiles 20கிலோ அரிசி மூட்டையை 4ஏத்திகிட்டு நீங்களும் அமர்ந்து போகலாம்! டெலிவரி சேவைக்கான சூப்பரான இ-சைக்கிள் அறிமுகம்!
- Sports சிக்சர் மன்னன் சிவம் துபே சாதனை.. 27 பந்தில் 66 ரன்கள் குவிப்பு.. 7 சிக்சர் விளாசி ரெக்கார்ட்
- News ‛‛முஸ்லிம் முதல் தாலி வரை’’.. திடீரென பிரசார யுக்தியை மாற்றிய பிரதமர் மோடி.. பின்னணியில் 2 காரணம்
- Lifestyle மணமணக்கும்.. ருசியான... கையேந்தி பவன் பரோட்டா சால்னாவை எப்படி செய்யணும் தெரியுமா?
- Technology வெறும் 2000 ரூபாயில்.. புது Xiaomi கையடக்க கார்மெண்ட் Steamer.. பழைய ஐயன் பாக்ஸை தூக்கி போடுங்க..என்ன ஸ்பெஷல்?
- Finance நீங்க கிரெடிட் கார்டு வச்சிருக்கீங்களா.. ஆன்லைன் மோசடியில் இருந்து தப்பிக்க நச்சுனு 4 டிப்ஸ்!
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
மருத்துவமனையில் நடிகர் எஸ்.எஸ்.ஆர்.... எம்.எல்.ஏ.வான முதல் இந்திய நடிகர்!
சென்னை: பழம்பெரும் நடிகரும், முன்னாள் எம்.எல்.ஏவுமான இலட்சிய நடிகர் எஸ்.எஸ்.ராஜேந்திரன் உடல் நலம் பாதிக்கப்பட்டு மருத்துவமனையில் அனுமதிக்கப்பட்டுள்ளார். அவருக்கு வயது 87.
உடல் நலம் பாதிக்கப்பட்ட நிலையில் மயிலாப்பூரில் உள்ள தனியார் மருத்துவமனையில் எஸ்.எஸ்.ராஜேந்திரன் அனுமதிக்கப்பட்டுள்ளார். அவருக்கு டாக்டர்கள் தீவிர சிகிச்சை அளித்து வருகின்றனர்.
எஸ்.எஸ்.ஆர் என்று சுருக்கமாக அழைக்கப்படும் ராஜேந்திரனின் முழுப் பெயர் சேடப்பட்டி சூரியநாராயணத் தேவர் ராஜேந்திரன் என்பதாகும்.
சிவாஜி கணேசனின் முதல் படமான பராசக்திதான் எஸ்.எஸ்.ஆருக்கும் முதல் படமாகும். ஆரம்பத்தில் திமுகவில் இணைந்து தீவிரமாக செயல்பட்டு வந்தவர்.
திமுகவுக்காக ஊர் ஊராகப் போய் நிதி சேகரித்துக் கொடுத்தவர். 1962ம் ஆண்டு தேனி சட்டசபைத் தொகுதியிலிருந்து திமுக சார்பில் சட்டசபைக்குத் தேர்ந்தெடுக்கப்பட்டவர். இவர்தான் நாட்டிலேயே எம்.எல்.ஏவாக வெற்றி பெற்ற முதல் நடிகர் ஆவார்.
அதைத் தொடர்ந்து ராஜ்யசபா எம்.பியாகவும் இருந்தார் எஸ்.எஸ்.ஆர். 1981ம் ஆண்டு இவர் அதிமுகவில் இணைந்தார். எம்.ஜி.ஆர். இவரை ஆண்டிப்பட்டி தொகுதியில் நிற்க வைத்து ஜெயிக்க வைத்தார்.
1950கள், 60களில் தமிழ்த் திரையுலகில் புகழ்பெற்று விளங்கினார். இவர் நடித்த பூம்புகார், மறக்க முடியுமா போன்ற திரைப்படங்கள் காலத்தால் அழியாதவையாகும்.
வசன உச்சரிப்பிலும், நடிப்பிலும் பிரபலமானவர் எஸ்.எஸ்.ஆர். இவருக்கு நடிகை விஜயக்குமாரி உள்பட 3 மனைவியர். மொத்தம் 9 பிள்ளைகள் உள்ளனர்.