நடிகரின் பாலியல் தொல்லை... கங்கனா ஒரு பைத்தியம்... பாலிவுட்டில் பரபரப்பு!

ஹவுஸ் அரெஸ்ட் :

'நடிகரும் தயாரிப்பாளருமான ஆதித்யா பஞ்சோலி, எனக்குத் தனியாக வீடு ஒன்றை எடுத்துக் கொடுத்திருந்தார். அங்கு என் நண்பர்களை அவர் அனுமதிக்க மாட்டார். கிட்டத்தட்ட வீட்டுச்சிறையில் நான் அடைக்கப்பட்டிருந்தேன்.

பாலியல் தொல்லை :

அங்கு தங்கியிருந்தபோது ஆதித்யா பஞ்சோலி எனக்குப் பாலியல் தொல்லை கொடுத்தார். அப்போது நான் மைனர். அவரது மகளின் வயதை விட எனக்கு ஒரு வயது குறைவு. தந்தை வயதில் இருக்கும் அவர் எனக்குத் தொடர்ந்து பாலியல் தொல்லை கொடுத்தார்.

மனைவியிடம் புகார் :

ஆதித்யாவின் தொல்லை குறித்து அவரது மனைவியிடம் புகார் செய்தேன். இது பற்றி எனது பெற்றோரிடம் சொல்ல முடியாது, என்னைக் காப்பாற்றுங்கள் எனக் கெஞ்சினேன். ஆனால், அவரது மனைவியோ, 'அவர் இல்லாமல் இப்போதுதான் நிம்மதியாக இருக்கிறோம்' எனத் தெரிவித்துவிட்டார்.

கங்கனா ஒரு பைத்தியம் :

இந்நிலையில், 'கங்கனா ரனாவத் ஒரு பைத்தியம். அவர் மீது சட்டப்படி நடவடிக்கை எடுப்பேன். பைத்தியக்காரர்கள் இதுபோன்று பேசுவது உங்களுக்கு வருத்தத்தை அளிக்காதா என ஆதித்யா பஞ்சோலி தெரிவித்துள்ளார்.

பொய்யான குற்றச்சாட்டு :

இத்தனை வருடங்களாக சினிமாத்துறையில் இருக்கும் என்னை இதுபோன்று வேறு யாராவது பேசியது உண்டா? கங்கனா பொய்யான தகவலைக் கூறி வருகிறார். அவரது பேட்டியால் நானும் எனது குடும்பத்தினரும் மிகுந்த மன உளைச்சலில் உள்ளோம்.

நடவடிக்கை :

கங்கனா ரனாவத் கூறியதை ஆதாரங்களுடன் நிரூபிக்க வேண்டும். அவர் மீது நானும் எனது மனைவியும் சட்டப்படியான நடவடிக்கைகளை எடுப்போம்' எனக் கூறியிருக்கிறார் ஆதித்யா.