ஐ அம் சேஃப்.. ப்ளீஸ் பி சேஃப்.. எவ்வளவு பொறுப்பு.. அக்கறை.. கண்ணீரை வரவழைக்கும் சேதுவின் வீடியோ!

பொதுவெளியில் எப்படி?

மருத்துவரான சேது, தற்போது உலகையே அச்சுறுத்தி வரும் கொரோனா வைரஸ் பரவலை தடுப்பது குறித்தும், கைகளை எப்படி கழுவ வேண்டும்? மருத்துவமனை போன்ற பொது இடங்களில் கைகளை நேரடியாக பயன்படுத்தாமல் எப்படி கதவுகளை திறக்க வேண்டும்? லிஃப்ட்டை எப்படி ஆப்ரேட் செய்ய வேண்டும் என்பது குறித்து கடந்த 5 நாட்களுக்கு முன்பு வீடியோ வெளியிட்டுள்ளார்.

விழிப்புணர்வு வாசகங்கள்

அதில் சானிடைஸ்ஸர் கொண்டு தனது கைகளை சுத்தம் செய்யும் சேது, டிஷ்யூ பேப்பர்களை கொண்டு கதவை திறக்கிறார். பின்னர் அந்த டிஷ்யூ பேப்பரைக் கொண்டு லிஃப்ட்டை ஆப்ரேட் செய்யும் சேது, லிஃப்ட்டுக்குள் இருக்கும் விழிப்புணர்வு வாசகங்களை படித்து காண்பிக்கிறார்.

ப்ளீஸ் பி சேஃப்

அடிக்கடி கையை கழுவுங்கள், இருமும் போதும் தும்மும் போதும் டிஷ்யூ பேப்பரை பயன்படுத்துங்கள் என்று கூறி , பின்னர் டிஷ்யூ பேப்பரை அங்குள்ள குப்பைத்தொட்டியில் போடுகிறார். தொடர்ந்து பேசும் நடிகர் சேது, ஐ அம் சேஃப் ப்ளீஸ் பி சேஃப் என கூறி தனது வீடியோவை முடித்திருக்கிறார் சேது.

டெமோ வீடியோ

5 நாட்களுக்கு பிறகு நாம் இருக்க மாட்டோம் என்று தெரியாமல் அவர் பொதுமக்களின் நலனில் அக்கறை கொண்டு இப்படி ஒரு டெமோ வீடியோவை தனது இன்ஸ்டா பக்கத்தில் வெளியிட்டுள்ளார். அந்த வீடியோவை இதுவரை 3 லட்சத்திற்கும் மேற்பட்டோர் பார்வையிட்டுள்ளனர்.

ஏன் இப்படி?

இதனை பார்த்த பலரும் கண்ணீர் விட்டுள்ளனர். ரசிகர்கள் அவரது மறைவுக்கு இரங்கல் தெரிவித்துள்ளனர். வீடியோவை பார்த்த சில நெட்டிசன்கள், கடவுளே ஏன் இப்படி ஒரு நல்ல மனிதரை இவ்வளவு சீக்கிரம் அழைத்துக் கொண்டாய் என வேதனை பட்டுள்ளனர்.