வெந்து தணிந்தது காடு படத்துக்கு முதல் நாளில் இவ்வளவு கலெக்ஷன் வருமா.. சூப்பரான கணிப்பா இருக்கே!

நடிகர் சிம்பு

நடிகர் சிம்பு தொடர்ந்து சிறப்பான கதைக்களங்களை தேர்ந்தெடுத்து நடித்து வருகிறார். பல சர்ச்சைகளில் சிக்கி, தன்னுடைய சினிமா கேரியரை சிக்கலாக்கிக் கொண்டிருந்த சிம்பு தற்போது மெச்சூர்டான படங்களை தேர்ந்தெடுத்து தன்னுடைய சிறப்பான நடிப்பையும் வெளிப்படுத்தி வருகிறார்.

மாநாடு படம்

இதற்கு சமீபத்திய உதாரணம் மாநாடு படம். டைம் லூப்பை மையமாக கொண்டு வெளியான இந்தப் படத்தின் திரைக்கதை சிறப்பாக அமைக்கப்பட்டிருந்து. கொஞ்சம் சொதப்பியிருந்தாலும் படம் ரசிகர்களை கவர தவறியிருக்கும், வெங்கட் பிரபுவின் கைவண்ணம் சிறப்பாக அமைந்த போதிலும் அந்தக் கதைக்கு சிறப்பாக உயிர் கொடுத்திருந்தார் சிம்பு.

மஹா படம்

இந்தப் படத்தை தொடர்ந்து அடுத்ததாக மஹா படம் சிம்பு நடிப்பில் வெளியான போதிலும் அந்தப் படம் ரசிகர்களை கவர தவறியுள்ளது. தற்போது சிம்பு, சித்தி இத்னானி, ராதிகா சரத்குமார் உள்ளிட்டவர்கள் நடிப்பில் உருவாகியுள்ளது வெந்து தணிந்தது காடு படம். இந்த படத்தின் இசை மற்றும் ட்ரெயிலர் வெளியீட்டு நிகழ்ச்சி இரு தினங்களுக்கு முன்பு நடந்தது.

ஏஆர் ரஹ்மான் இசை

ஏஆர் ரஹ்மான் இசையில் இந்தப் படத்தின் பாடல்கள் ரசிகர்களை வெகுவாக கவர்ந்துள்ளன. தொடர்ந்து அன்றைய தினம் வெளியான ட்ரெயிலரும் ரசிகர்களின் கவனத்தை ஈர்த்துள்ளது. வெளியிடப்பட்ட இரு தினங்களுக்குள்ளாகவே 16 மில்லியன் வியூஸ்களை இந்த ட்ரெயிலர் பெற்றுள்ளது.

15ம் தேதி ரிலீஸ்

ஏற்கனவே படத்தின் பாடல்கள் லிரிக் வீடியோவாக வெளியான நிலையில் படம் ரசிகர்களிடையே அதிகமான எதிர்பார்ப்பை ஏற்படுத்தியுள்ளது. ரசிகர்கள் மிகுந்த ஆர்வத்துடன் எதிர்பார்த்து காத்துள்ள இந்தப் படம் வரும் 15ம் தேதி திரையரங்குகளில் ரிலீசாக உள்ளது.

முதல் நாளில் 13-16 கோடி வசூல்?

தெலுங்கிலும் இந்தப் படம் டப்பிங் செய்யப்பட்டு வெளியாகவுள்ளது. இந்நிலையில் இந்தப் படம் முதல் நாளில் மட்டுமே சர்வதேச பாக்ஸ் ஆபிஸ் வசூலாக 13 முதல் 16 கோடி ரூபாய் வசூலை பெறும் என்று கணிக்கப்பட்டுள்ளது. அவருடைய மாநாடு படத்தை போலவே இந்தப் படமும் 100 கோடி கிளப்பில் இணையும் என்றும் எதிர்பார்க்கப்பட்டுள்ளது.

சிறப்பான கணிப்பு

முன்னதாக சிம்பு -கௌதம் மேனன் கூட்டணியில் வெளியான விண்ணைத் தாண்டி வருவாயா, அச்சம் என்பது மடமையடா போன்ற படங்களின் வரவேற்பு, அதை தொடர்ந்து மீண்டும் இணைந்துள்ள கூட்டணி, சமீபத்தில் வெளியான சிம்புவின் மாநாடு படத்தின் வெற்றி போன்றவற்றை கருத்தில் கொண்டு இந்த கணிப்பு தற்போது வெளியாகியுள்ளது.

அடுத்தடுத்த படங்கள்

இந்தப் படத்தை தொடர்ந்து மீண்டும் ஐசரி கணேஷ் தயாரிப்பிலேயே பத்து தல படத்தில் நடித்து வருகிறார் சிம்பு. இந்தப் படத்தின் சூட்டிங்கும் நிறைவடையும் தருவாயில் உள்ள நிலையில் அடுத்தடுத்த வெற்றிகளை சிம்பு தருவார் என்று எதிர்பார்க்கலாம். கேங்ஸ்டர் படமாக உருவாகியுள்ள நிலையிலும் படத்தில் சென்டிமெண்ட்டும் சிறப்பாக அமைந்துள்ளதாக கூறப்பட்டுள்ளது.