கமல் தயாரிப்பில் சிவகார்த்திகேயன் இணையும் எஸ்கே 21.. சூட்டிங் எப்ப துவங்குது தெரியுமா?

நடிகர் சிவகார்த்திகேயன்

நடிகர் சிவகார்த்திகேயன் விஜய் டிவியில் விஜேவாகத்தான் தன்னுடைய கேரியரை துவக்கினார். டான் படத்தில் வருவது போல தன்னுடைய திறமை என்னவென்று கண்டுபிடித்த இவர் அதை சார்ந்த துறையை தேர்ந்தெடுத்தார். விளைவு தற்போது தன்னுடைய துறையில் வெற்றிக் கொடி நாட்டி வருகிறார்.

மிமிக்ரி திறமை

தன்னுடைய மிமிக்ரி திறமையை முதலீடாக கொண்டு விஜய் டிவியில் விஜேவாக இருந்துக் கொண்டு பல நிகழ்ச்சிகளில் கலந்துக் கொண்டு திறமையை வெளிப்டுத்தினார். மேலும் ஆங்கராகவும் பட்டையை கிளப்பினார். சினிமாவில் 3 படத்தில் காமெடி செய்ய கிடைத்த வாய்ப்பை பச்சக் என்று பற்றிக் கொண்டார். தொடர்ந்து இவரது காட்டில் பட மழைதான்.

தயாரிப்பிலும் வெற்றிமுகம்

ஒரு படத்தில் மட்டுமே இவரை நகைச்சுவை நடிகராக பார்க்க முடிந்தது. தொடர்ந்து மெரினா, வருத்தப்படாத வாலிபர் சங்கம் என அடுத்தடுத்து வெற்றிகளை கொடுத்து அனைவரையும் ஆச்சர்யப்படுத்தினார். தொடர்ந்து தயாரிப்பிலும் களமிறங்கி பல்வேறு சவால்களை முறியடித்து சிறப்பாக செயல்பட்டு வருகிறார்.

அடுத்தடுத்த படங்கள்

இவரது தயாரிப்பில் சமீபத்தில் வெளியான டாக்டர், டான் படங்கள் நூறு கோடி ரூபாய் கிளப்பில் இணைந்து இவருக்கு சிறப்பாக கைக்கொடுத்துள்ளன. தொடர்ந்து மற்ற பேனர்களிலும் இவர் நடித்து வருகிறார். இவரது நடிப்பில் அடுத்ததாக பிரின்ஸ் மற்றும் அயலான் படங்கள் ரிலீசுக்காக வரிசைக்கட்டியுள்ளன.

மாவீரன் சூட்டிங்கில் சிவகார்த்திகேயன்

தொடர்ந்து தற்போது மாவீரன் படத்தில் அஸ்வின் இயக்கத்தில் நடித்து வருகிறார். இந்தப் படத்தில் இவருக்கு ஜோடி சேர்ந்துள்ளார் அதிதி ஷங்கர். சமீபத்தில் இந்தப் படத்தின் பூஜை போடப்பட்டு சூட்டிங் துவங்கியது. இந்நிலையில் இந்தப் படத்தின் சூட்டிங்கை ஒரே ஷெட்யூலாக நடத்தி வரும் அக்டோபருக்குள் முடிக்க சிவகார்த்திகேயன் திட்டமிட்டுள்ளார்.

டிசம்பரில் எஸ்கே21 படத்தின் சூட்டிங்?

இதனிடையே, கமலின் ராஜ்கமல் இன்டர்நேஷனல் தயாரிப்பில் சிவகார்த்திகேயன் இணையவுள்ள எஸ்கே21 படத்தின் சூட்டிங்கை வரும் டிசம்பர் மாதத்தில் துவக்கவும் அவர் திட்டமிட்டுள்ளதாக தெரிகிறது. ராஜ்குமார் பெரியசாமி இயக்கத்தில் உருவாகவுள்ள இந்தப் படத்தில் சிவகார்த்திகேயனுக்கு ஜோடியாக சாய் பல்லவி கமிட்டாகியுள்ளது குறிப்பிடத்தக்கது.

வட இந்தியாவில் சூட்டிங்

இந்தப் படத்தின் சூட்டிங் வட இந்தியாவின் பல பகுதிகளில் திட்டமிடப்பட்டுள்ளது. இந்தப் படத்தில் சிறப்பான கவனத்தை செலுத்த சிவகார்த்திகேயன் முடிவெடுத்துள்ள நிலையில், முன்னதாக தனது மாவீரன் படத்தை முடித்துக் கொடுக்க அவர் தற்போது திட்டமிட்டுள்ளார். எஸ்கே21 படத்தின் அறிவிப்பு விக்ரம் படம் ரிலீசான நேரத்திலேயே வெளியானது.

கமல் நடிப்பாரா?

இந்நிலையில் இந்தப் படம் டிசம்பரில் சூட்டிங் துவங்கவுள்ளது அவரது ரசிகர்களுக்கு இனிப்பான செய்தியாகவே இருக்கும். இந்தப் படத்தின்மூலம் முதல்முறையாக கமலுடன் இணைகிறார் சிவகார்த்திகேயன். இந்தப் படத்தில் கமல் நடிப்பாரா என்பது குறித்து ரசிகர்கள் ஆர்வம் காட்டி வருகின்றனர்.