75 ஆண்டுகால சுதந்திரம்.. சுதந்திரத்தை போற்றிய சிவகார்த்திகேயன்.. வீடியோ மெசேஜ்!

நடிகர் சிவகார்த்திகேயன்

நடிகர் சிவகார்த்திகேயன் சிறப்பான பல படங்களை கொடுத்து வருகிறார். இவரது டாக்டர், டான் படங்கள் அடுத்தடுத்து ரிலீசாகி சிறப்பான வெற்றியை தயாரிப்பாளராகவும் நடிகராகவும் கொடுத்துள்ளது. இதனிடையே இவரது நடிப்பில் அடுத்ததாக பிரின்ஸ் படம் ரிலீசாக உள்ளது.

அடுத்தடுத்த படங்கள்

இந்தப் படங்களை தொடர்ந்து அடுத்ததாக அயலான் என்ற சயின்ஸ் பிக்ஷன் படமும் சிவகார்த்திகேயன் நடிப்பில் வெளியீட்டிற்கு தயாராகியுள்ளது. இதனிடையே அடுத்தடுத்து மாவீரன், கமல் தயாரிப்பில் ஒரு படம் என்று கமிட்டாகியுள்ளார். கமல் தயாரிக்கும் படத்தில் அவருக்கு ஜோடியாகியுள்ளார் சாய் பல்லவி. இந்தப் படத்தின் சூட்டிங் விரைவில் துவங்கவுள்ளது.

மாவீரன் படம்

இதனிடையே மாவீரன் படத்தின் சூட்டிங் சென்னையில் பூஜையுடன் கடந்த மாதத்தில் துவங்கியது. இதன் சூட்டிங் நிறுத்தப்பட்டதாகவும் சில தினங்களில் மீண்டும் துவங்கவுள்ளதாகவும் முன்னதாக தகவல்கள் வெளியாகின. இந்தப் படம் ஜவான் மற்றும் ஜெயிலர் படங்கள் நடைபெறவுள்ள தளத்திலேயே சூட்டிங் நடத்தப்பட உள்ளதாகவும் தெரிவிக்கப்பட்டது.

ரஜினி, ஷாருக்கை சந்திப்பாரா சிவகார்த்திகேயன்?

இந்த சூட்டிங்கின்போது ரஜினி, சிவகார்த்திகேயன் மற்றும் ஷாருக் சந்திப்பு நடக்குமா என்பது குறித்தும் ரசிகர்கள் எதிர்பார்த்து காத்திருக்கின்றனர். இவரது அடுத்தடுத்த படங்கள் சொந்தத் தயாரிப்பிலும் மற்றவர்கள் தயாரிப்பிலும் உருவாகி வருகின்றன. இந்நிலையில் சமூக வலைதளங்களிலும் இவர் ஆக்டிவாகவே காணப்படுகிறார்.

ட்விட்டரில் பயங்கர ஆக்டிவ்

சின்ன சின்ன விஷயங்களுக்கும் இவர் உடனடியாக ரியாக்ஷன் கொடுத்து வருகிறார். குறிப்பாக ட்விட்டர் பக்கத்தில் இவரது பாடல்களுக்கு ஆடும் சிறுவர்களை பாராட்டியும் ட்வீட் செய்கிறார். இதற்கெல்லாம் இவருக்கு எப்படித்தான் நேரம் கிடைக்கிறதோ என்று ரசிகர்கள் யோசிக்கும்வகையில் இவரது செயல்பாடு காணப்படுகிறது.

Recommended Video

தருமபுரி To Kannada Cinema | Youtuber Patta Murugan Exclusive Interview

சுதந்திர தின வாழ்த்து

இந்நிலையில் நாட்டின் 76 சுதந்திர தினத்தையொட்டி இவர் மக்களுக்கு சுதந்திர தின வாழ்த்துக்களை பகிர்ந்துள்ளார். இன்ஸ்டாகிராம் பக்கத்தில் இந்த சுதந்திர தின வாழ்த்தை அவர் பதிவு செய்துள்ளார். இந்த சுதந்திர தினத்தைப் போற்றுவோம் என்று அவர் குறிப்பிட்டுள்ளார்.