Don't Miss!
- News எம்பிக்களின் மாத சம்பளம் எவ்வளவு தெரியுமா? வீடு முதல் ரயில் பயணம் வரை இலவசம்.. அசரவைக்கும் சலுகைகள்!
- Sports ஒரு பந்துக்கு 12 ரன் அடிக்க பார்க்காதே.. எவ்வளவு முறை சொல்றது? இளம் வீரருக்கு சூர்யகுமார் அட்வைஸ்
- Technology வெறும் ரூ.10,000 விலை.. சூப்பர் பாஸ்ட் 5G மொபைல்.. அசராமல் அடிக்கும் Realme.. எப்போது விற்பனை?
- Finance வெளி ஊர்ல இருக்கீங்களா? நீங்களும் ஓட்டு போடலாம்.. எப்படின்னு பாருங்க!
- Automobiles ஒன்றல்ல, ரெண்டல்ல மொத்தம் 13 ஸ்கூட்டர்களை மாற்று திறனாளி இளைஞர்களுக்கு பரிசளித்த நடிகர் ராகவா லாரன்ஸ்..
- Lifestyle கல்லீரலின் மூலைமுடுக்குகளில் உள்ள அழுக்குகளை வெளியேற்ற சாப்பிட வேண்டிய உணவுகள்!
- Travel நீங்கள் அடிக்கடி ரயிலில் பயணிப்பவரா – அப்போ இந்திய ரயில்வேயின் இந்த விதிமுறைகள் பற்றி உங்களுக்கு தெரியுமா?
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
நடிகர் சுமனுக்கு இன்று 61வது பிறந்த நாள்.. திரையுலகம் திரண்டு வாழ்த்து !
சென்னை : தமிழ், தெலுங்கு என பல மொழிகளில் கிட்டத்தட்ட 200க்கும் மேற்பட்ட திரைப்படங்களில் தனது மிடுக்கான நடிப்பின் மூலம் திரையுலகத்தை இன்று வரை ஆட்டிப் படைத்து வரும் நடிகர் சுமன் நடிக்காத கதாபாத்திரங்களே இல்லை.
Recommended Video
1980களில் தனது நடிப்பு வாழ்க்கையை தொடங்கிய சுமன் இன்றுவரை பல்வேறு கதாபாத்திரங்களில் நடித்து புகழ்பெற்ற நடிகராக இருந்து வருவதோடு வெங்கடேஸ்வரா, ராமா, சிவா உள்ளிட்ட பல கடவுள் கதாபாத்திரங்களில் மிகக் கச்சிதமாகப் பொருந்த கூடியவர்.
எக்கச்சக்கமான திரைப்படங்களில் கதாநாயகனாக நடித்த சுமன் தமிழில் ரஜினிகாந்த் நடிப்பில் வெளியான சிவாஜி திரைப்படத்தில் வில்லனாக நடித்து அனைவரையும் ஆச்சரியப் படுத்திருப்பார். இவ்வாறு இவர் நடித்த பல கதாபாத்திரங்கள் இன்றுவரை ரசிகர்களால் கொண்டாடப்பட்டு வரும் நிலையில் ஆகஸ்ட் 28 ஆம் தேதியான இன்று இவர் தனது 61வது பிறந்தநாளை கொண்டாடி வருவதையொட்டி ரசிகர்கள் பலரும் வாழ்த்துக்களை கூறி மகிழ்வித்து வருகின்றனர்.
போலீஸ் அதிகாரியாக
நடித்த முதல் திரைப்படத்திலேயே போலீஸ் அதிகாரி வேடத்தில் வந்து அனைவருக்கும் காட்சியளித்த சுமன், தொடர்ந்து இன்றுவரை பல்வேறு திரைப்படங்களில் மிடுக்கான அதே நடையில் மிரட்டும் போலீஸ் அதிகாரியாக நடித்து வருகிறார்.
200க்கும் மேற்பட்ட திரைப்படங்களில்
1979ல் தமிழில் வெளியான "நீச்சல் குளம்" என்ற திரைப்படத்தின் மூலம் தனது நடிப்பு வாழ்க்கையை தொடங்கிய சுமன், இளமை கோலம், வீட்டுக்கு வீடு வாசப்படி, டார்லிங் டார்லிங் டார்லிங், கடல் மீன்கள், அஞ்சாத நெஞ்சங்கள் என இன்றுவரை கிட்டத்தட்ட 200க்கும் மேற்பட்ட திரைப்படங்களில் கதாநாயகனாக நடித்து மக்கள் மனதில் நீங்கா இடம் பிடித்துள்ளார்.
லீட் ரோலில்
தமிழ் மற்றும் தெலுங்கு ரசிகர்களுக்கு மிகவும் பரிச்சயமான சுமன் தெலுங்கில் மட்டும் இதுவரை நூற்றுக்கும் மேற்பட்ட திரைப்படங்களில் லீட் ரோலில் நடித்ததோடு, தமிழ், மலையாளம் கன்னடம் மற்றும் ஆங்கிலம் என பல மொழிகளில் இன்றுவரை அனைவரையும் ரசிக்க வைக்கும் கதாபாத்திரங்களில் நடித்து தென்னிந்திய திரைப்படத்துறையில் ஒப்பற்ற நடிகராக விளங்கி வருகிறார்.
மிரட்டும் வில்லனாக
பெரும்பாலும் கதாநாயகன் கதாபாத்திரங்களிலும் கடவுள் கதாபாத்திரங்களையும் ஏற்று நடித்து வந்த சுமன் பிரமாண்ட இயக்குனர் ஷங்கர் இயக்கத்தில் ரஜினிகாந்த் நடித்த சிவாஜி திரைப்படத்தில் மிரட்டும் வில்லனாக நடித்து அசத்தி இருப்பார். சிவாஜி திரைப்படம் இவருக்கு வேறு விதமான தோற்றத்தை கொடுக்க அதைத் தொடர்ந்து விஜய் நடிப்பில் வெளியான குருவி திரைப்படத்திலும் வில்லனாக நடித்திருப்பார்.
61வது பிறந்தநாள்
இவ்வாறு தமிழ், தெலுங்கு என பல மொழிகளில் எண்ணற்ற திரைப்படங்களில் முன்னணி கதாநாயகனாக கொடிகட்டி பறந்த நடிகர் சுமன் ஆகஸ்ட் 28 ஆம் தேதியான இன்று தனது 61வது பிறந்தநாளை கொண்டாடி வருவதையொட்டி பல்வேறு திரைப் பிரபலங்களும் ரசிகர்களும் இவருக்கு வாழ்த்துக்களை கூறி மகிழ்வித்து வருகின்றனர்.