"பன்னீர் புஷ்பங்கள்" சுரேஷிற்கு இன்று பிறந்தநாள்.. குவியும் வாழ்த்துக்கள்!

திரையுலகிற்கு அறிமுகம்

மிகப்பிரபலமான திரை குடும்பத்திலிருந்து திரைத்துறைக்கு வந்த நடிகர் சுரேஷ் அசிஸ்டன்ட் எடிட்டராகவும், அசிஸ்டன்ட் நடன இயக்குனராகவும் பணியாற்றி வந்த நிலையில் " பன்னீர் புஷ்பங்கள்" திரைப்படத்தின் மூலம் முதன்முறையாக திரையுலகிற்கு அறிமுகம் செய்யப்பட்டார்.

பெண்களின் மனதை

1980 மற்றும் 90களில் அதிக அளவிலான லவ்வர் பாய் கதாபாத்திரங்களில் நடித்தது யார் என்ற பட்டியலை எடுத்துப் பார்த்தால் கண்டிப்பாக அதில் சுரேஷின் பெயர் இடம்பெறும், இந்த அளவுக்கு எக்கச்சக்கமான காதல் திரைப்படங்களில் நடித்து பெண்களின் மனதை கொள்ளைகொள்ளும் லவ்வர் பாயாக வலம் வந்த சுரேஷுக்கு இன்று வரை ரசிகைகள் கூட்டம் பல இருந்து வருகிறது.

மாறுபட்ட கதாபாத்திரத்தில்

தமிழ் மற்றும் தெலுங்கு மொழிகளில் எக்கசக்கமான திரைப்படங்களில் நடித்து வரும் சுரேஷ் தெலுங்கு மொழியில் உருவாகி தமிழில் மொழி மாற்றம் செய்யப்பட்ட மெஹா ஹிட் திரைப்படமான "அம்மன்" திரைப் படத்தில் மாறுபட்ட கதாபாத்திரத்தில் நடித்து அனைவரையும் அசத்தி இருப்பார். இவ்வாறு புகழ்பெற்ற நடிகராக வலம் வரும் சுரேஷ் "பவானி" என்ற தெலுங்கு திரைப்படத்தை இயக்கியதோடு அதில் ஹீரோவாகவும் நடித்து இருந்தார்.

தமிழில் டப் செய்யப்பட்ட

தயாரிப்பு துறையையும் விட்டு வைக்காத சுரேஷ் பிரார்த்தனா, பவானி, ராகவா, சிவுது உள்ளிட்ட படங்களை தயாரித்தும் உள்ளார். தமிழ் மற்றும் தெலுங்கு மொழிகளில் மிகவும் புலமை வாய்ந்த சுரேஷ் ஆசை திரைப்படத்தில் அஜித்குமாருக்கு பின்னணி குரல் கொடுத்திருப்பார். மேலும் நாகார்ஜுனாவின் நடிப்பில் உருவாகி தமிழில் டப் செய்யப்பட்ட பெரும்பாலான திரைப்படங்களுக்கு சுரேஷ் தான் இன்றுவரை பின்னணி குரல் கொடுத்து வருகிறார்.

Recommended Video

Samantha Nargajuna Green India Challenge • Blissful Video

பிறந்தநாள்

இவ்வாறு அனைவரும் ரசிக்கும் மிகச் சிறந்த நடிகராக இன்று வரை ரசிகர்கள் மத்தியில் நீங்கா இடம் பிடித்திருக்கும் நடிகர் சுரேஷ் ஆகஸ்ட் 26 ஆம் தேதியான இன்று தனது பிறந்தநாளை குடும்பத்தாருடன் மகிழ்ச்சியாக கொண்டாடி வருவதையொட்டி பல்வேறு திரை பிரபலங்களும், நெருங்கிய நண்பர்களும் மற்றும் ரசிகர்களும் என பலரும் இவருக்கு வாழ்த்துக்களை குவித்து வருகின்றனர்.