அச்சு அசல் அம்மாவை போலவே இருக்கும் ஜோதிகாவின் மகள்..தியாவின் க்யூட் டான்ஸ்!

தியா,தேவ்

சூர்யாவின் தந்தை, தம்பி அதே போல ஜோதிகாவின் அக்கா நக்மா என, குடும்பமே சினிமாவில் இருந்து வந்தாலும் இதுவரை தியா மற்றும் தேவ் இருவரையும் சினிமாவில் தலை காட்டாமல் வைத்து இருக்கிறார் சூர்யா. இதில், தியா டென்னிஸ், கால்பந்து விளையாட்டுகளில் கவனம் செலுத்தி பல மெடல்களையும் வாங்கி குவித்துள்ளார். தனது சகோதரி தியாவைப் போல படிப்பை தாண்டி தேவ், கராத்தே கலையில் மிகுந்த ஆர்வம் கொண்டவராக இருக்கிறார்.

நியூயார்க்கில்

சமீபத்தில் தியா பத்தாம் வகுப்பு பொதுத்தேர்வு எழுதி இருந்தார். தியாவின் மார்க் சமூக வலைதளங்களில் வைரலாக பேசப்பட்டது.தமிழ், ஆங்கிலம், கணக்கு என அனைத்துப் பாடங்களில் 90க்கு மேல் வாங்கியிருந்தார். தற்போது, தியா நியூயார்க்கில் படித்து வருகிறார். இதுபற்றி சூர்யாவே விருமன் இசைவெளியீட்டு விழாவில் கூறியிருந்தார்.

க்யூட் டான்ஸ்

இந்நிலையில், தியா க்யூட்டா டான்ஸ் ஆடும் வீடியோ ஒன்று இணையத்தில் வைரலாகி உள்ளது. நியூயார்க்கில் இருந்து தீபாவளி கொண்டாட வந்த போது வீட்டில் நடந்த பார்ட்டியில் இந்த வீடியோ எடுக்கப்பட்டுள்ளது. அந்த வீடியோவில் தியா பார்ப்பதற்கு அச்சு அசல் ஜோதிகா போலவே இருக்கிறார். இணையத்தில் இந்த வீடியோ வைரலாகி உள்ளது.

இருவரும் பிஸி

நடிகர் சூர்யா நீண்ட இடைவெளிக்கு பின் பாலாவுடன் இணைந்து வணங்கான் படத்தில் நடிக்க இருந்த நிலையில், படத்தில் இருந்து விலகினார். தற்போது, இயக்குநர் சிறுத்தை சிவா இயக்கத்தில் நடித்துவரும் படத்திலும், வெற்றிமாறன் இயக்கத்தில் வாடிவாசல் படத்திலும் நடித்து வருகிறார். இவரைப் போலவே இவருடைய மனைவி ஜோதிகாவும், தொடர்ந்து தமிழ் சினிமாவில் பெண்களுக்கு விழிப்புணர்வை ஏற்படுத்தும் விதமான கதைகளை தேர்வு செய்து நடித்து வருகிறார்.