அடுத்த வாரத்தில் வெளியாகும் சூர்யா 42 படத்தோட மோஷன் போஸ்டர்.. டைட்டிலை எப்ப சார் வெளியிடுவீங்க!

நடிகர் சூர்யா

நடிகர் சூர்யா எப்போதுமே ரசிகர்களின் விருப்பத்திற்குரிய ஹீரோவாக உள்ளார். இவரது அடுத்தடுத்த வெற்றிப் படங்கள் ரசிகர்களை சூர்யாவின் பக்கம் கட்டிப் போட்டுள்ளன. சூரரைப் போற்று, ஜெய் பீம், எதற்கும் துணிந்தவன் என அடுத்தடுத்த வெற்றிப் படங்களை கொடுத்து ரசிகர்களின் எவர்கிரீன் பேவரைட் ஹீரோவாக உள்ளார் சூர்யா.

வணங்கான் படம்

தொடர்ந்து 18 ஆண்டுகள் கழித்து பாலாவின் இயக்கத்தில் வணங்கான் படத்தில் நடித்து வந்தார். கன்னியாகுமரி மாவட்டத்தில் தொடர்ந்து 35 நாட்கள் இந்தப் படத்தின் சூட்டிங் நடந்தது. இதையடுத்து கோவாவில் இந்தப் படத்தின் சூட்டிங் தொடரவுள்ளதாக அறிவிக்கப்பட்டது. ஆனால் தற்போது இந்தப் படத்தின் சூட்டிங் குறித்த எந்த அப்டேட்டும் வெளியாகவில்லை.

வெற்றிமாறன் -சூர்யா கூட்டணி

தொடர்ந்து வெற்றிமாறனின் வாடிவாசல் படத்தில் சூர்யா நடிக்கவுள்ளதாகவும் இதற்காக ஜல்லிக்கட்டு காளைகள் மற்றும் பயிற்சியாளர்களுடன் சூர்யா மல்லுக்கட்டி வருவதாகவும் கூறப்பட்டது. ஆனால் இந்த இரு பிராஜெக்ட்களையும் விட்டுவிட்டு தற்போது சிவா இயக்கத்தில் தனது சூர்யா 42 படத்தில் இணைந்துள்ளார் சூர்யா.

பூஜையுடன் துவங்கிய சூர்யா42

இந்தப் படத்தின் சூட்டிங் கடந்த ஞாயிற்றுக்கிழமை பூஜையுடன் துவங்கி நடைபெற்றுவரும் நிலையில் சென்னையில் தொடர்ந்து பத்து நாட்கள் சூட்டிங் நடைபெறவுள்ளதாகவும் அடுத்ததாக கோவாவில் சூட்டிங் தொடரவுள்ளதாகவும் படக்குழு தெரிவித்துள்ளது. செப்டம்பர் 2வது வாரத்தில் கோவாவில் இந்த சூட்டிங் துவங்கும் என்றும் கூறப்பட்டுள்ளது.

அடுத்த வாரத்தில் மோஷன் போஸ்டர்

இந்தப் படத்தில் பாலிவுட் நாயகி இஷா பதானி சூர்யாவிற்கு நாயகியுள்ள நடிக்கவுள்ளதாக கூறப்படும் நிலையில் படம் இந்திய அளவில் 10 மொழிகளில் வெளியாகவுள்ளதாகவும் கூறப்பட்டுள்ளது. இந்நிலையில் அடுத்த வாரத்தில் இந்தப் படத்தின் மோஷன் போஸ்டர் வெளியாகவுள்ளதாகவும் தெரிவிக்கப்பட்டுள்ளது.

டைட்டிலுக்கான எதிர்பார்ப்பு

ஆனால் படத்தின் டைட்டிலையும் ரசிகர்கள் எதிர்பார்த்துள்ள நிலையில் டைட்டில் அறிவிக்கப்படுமா என்பது குறித்து எந்த அறிவிப்பும் வெளியாகவில்லை. இந்தப் படத்தில் சூர்யாவுடன் 5வது முறையாக இசையமைப்பாளர் தேவிஸ்ரீ பிரசாத் இணைந்துள்ளது குறிப்பிடத்தக்கது.