50 நாட்கள் கடந்து விட்டன.. இன்னமும் சுஷாந்துக்காக காத்திருக்கும் ஃபட்ஜ்.. நெஞ்சை உலுக்கும் வீடியோ!

குல்ஷன் மாமா

இந்நிலையில் சுஷாந்த்தின் சகோதரி மகள் மல்லிகா, தனது மாமா குறித்து இன்ஸ்டாகிராமில் உருக்கமாக பதிவிட்டுள்ளார். அதில் ஐ லவ் யூ சோ சோ மச் மை குல்ஷன் மாமா.. நான் உங்களை ரொம்பவே மிஸ் பண்ணுவேன் என குறிப்பிட்டு தான் சுஷாந்துடன் சிறுவயதில் எடுத்த போட்டோவையும் சமீபத்தில் எடுத்த வீடியோவையும் ஷேர் செய்துள்ளார்.

செல்ல நாய் ஃபட்ஜ்

அந்த வீடியோவில் இருவரும் சேர்ந்து அமர்ந்து தலையில் ஸ்ஸ்டிக்கர் கிரீடம் வைத்து சிரித்து பேசி மகிழ்ந்துள்ளனர். இந்த வீடியோ தற்போது வைரலாகி வருகிறது. இதேபோல் மல்லிகா சிங் தனது இன்ஸ்டாகிராம் பக்கத்தில் சுஷாந்தின் செல்ல நாயான ஃபட்ஜ் குறித்தும் உருக்கமான ஒரு ஸ்டோரியை பதிவிட்டுள்ளார்.

கதவை திறக்கும் போதெல்லாம்

அதில் சுஷாந்த் வளர்த்த செல்ல நாயான ஃபட்ஜின் மீது தடவியப்படி உள்ள மல்லிகா, ஒவ்வொரு முறையும் கதவு திறக்கும் போதும் அவர் நம்பிக்கையுடன் எதிர்பார்க்கிறான் என குறிப்பிட்டுள்ளார். அவரது இந்த ஸ்டோரியை பார்த்த பலரும் என்ன சொல்வதென்றே தெரியவில்லை என கண்கள் கலங்க உருக்கமாக பதில் அளித்துள்ளனர்.

வெறித்துப் பார்த்து

ஏற்கனவே, சுஷாந்த் இறந்தபோது ஃபட்ஜ் எதுவும் சாப்பிடாமல் உறங்காமல் சோகத்தில் மூழ்கியிருந்த வீடியோக்கள் வைரலானது. மேலும் செல்போனில் சுஷாந்தின் படத்தை வெறித்து வெறித்து பார்த்த போட்டோக்களும் வைரலானது.

நேரத்தை கழித்த சுஷாந்த்

நடிகர் சுஷாந்த் சிங் ராஜ்புத் தனிமையில் இருந்த போது பெரும்பாலான நேரம் ஃபட்ஜ்தான் அவருக்கு கம்பெனி கொடுத்தது. மேலும் படப்பிடிப்பு முடிந்ததும் வீட்டுக்கு வரும் நடிகர் சுஷாந்த், தனது செல்ல நாயான ஃபட்ஜுடன் நேரத்தை கழிக்க தவறியதில்லை.

இன்னமும் எதிர்பார்பு

இந்நிலையில் 50 நாட்களுக்கும் மேலாக தனது எஜமானரான சுஷாந்த் இல்லாமல் தனிமையில் தவித்து வருகிறது ஃபட்ஜ். எப்படியும் சுஷாந்த் வருவார் என்ற நம்பிக்கையிலேயே ஃபட்ஜ் ஒவ்வொரு முறையும் கதவு திறக்கப்படும் போது அவ்வளவு எதிர்பார்ப்புடன் தலையை தூக்கி சட்டென பார்த்து வருகிறது.