Don't Miss!
- Finance திரும்பவுமா.. இன்போசிஸ் கொடுத்த ஷாக்கிங் செய்தி..! 20 வருடத்தில் முதல் முறையாக..!!
- News நாளை தீர்ப்பு நாள்.. அரசியல் அதிகாரத்தால் எதையும் மாற்றலாம்.. ஒரு விரல் புரட்சிக்கு ரெடியா?
- Technology புது கலர்.. அதே டிசைன்.. வாய்பிளக்க வைக்கும் விலை.. Nothing Ear மற்றும் Ear A அறிமுகம்.. ஏப்.22 முதல் விற்பனை!
- Automobiles காரை விட அவங்கதான் அழகா இருக்காங்க! விலை உயர்ந்த எலெக்ட்ரிக் வண்டியை வாங்கனது அவங்களா! சொக்கி போன ரசிகர்கள்!
- Lifestyle 1 கப் கோதுமை மாவும் 1/2 கப் ரவையும் வெச்சு.. ஈவ்னிங் இப்படியொரு ஸ்நாக்ஸ் செய்யுங்க... சூப்பரா இருக்கும்..
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Sports ஒரு பந்துக்கு 12 ரன் அடிக்க பார்க்காதே.. எவ்வளவு முறை சொல்றது? இளம் வீரருக்கு சூர்யகுமார் அட்வைஸ்
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
உடல்நலக்குறைவால் மரணமடைந்த நடிகர் வடிவேல் பாலாஜி.. நுங்கம்பாக்கம் இடுகாட்டில் உடல் அடக்கம்!
சென்னை: மறைந்த நடிகர் வடிவேல் பாலாஜியின் உடல் நுங்கம்பாக்கம் இடுகாட்டில் அடக்கம் செய்யப்பட்டது.
பிரபல சின்னத்திரை நடிகரான வடிவேல் பாலாஜி உடல் நலக்குறைவால் நேற்று காலமானார். அவரது உடல் சேத்துப்பட்டு எம்எஸ் நகரில் உள்ள அவரது வீட்டில் அஞ்சலிக்காக வைக்கப்பட்டது.
தனது நகைச்சுவையால் பலரையும் சிரிக்க வைத்த வடிவேல் பாலாஜியின் மறைவுக்கு பிரபலங்கள் பலரும் இரங்கல் தெரிவித்தனர். ரசிர்களும் பிரபலங்களும் அவரது உடலுக்கு நேற்று முதலே அஞ்சலி செலுத்தி வந்தனர்.
வடிவேல் பாலாஜி உடலுக்கு நேரில் அஞ்சலி செலுத்திய நடிகர் விஜய் சேதுபதி.. குடும்பத்திற்கு நிதியுதவி!
கண்ணீர் மல்க
பிரபல நடிகராய் உயர்ந்த போதும், அப்பகுதி மக்களிடம் சாதாரணமாக பழகிய வடிவேல் பாலாஜியின் மறைவு அப்பகுதி மக்களிடையே பெரும் சோகத்தை ஏற்படுத்தியுள்ளது. சிறுவயது முதலே தங்களோடு ஒருவராக இருந்த வடிவேல் பாலாஜியின் மறைவு பேரதிர்ச்சியாக உள்ளது என அப்பகுதி மக்கள் கண்ணீர் மல்க தெரிவித்தனர்.
விடிய விடிய அஞ்சலி
எல்லோரையும் சிரிக்க வைத்த அந்த கலைஞன் தற்போது இல்லை என்பதை நினைத்துக் கூட பார்க்க முடியவில்லை என அப்பகுதி மக்கள் வேதனையை வெளிப்படுத்தினர். நேற்று பிற்பகல் முதல் விடிய விடிய வடிவேல் பாலாஜியின் ரசிகர்களும் நண்பர்களும் அஞ்சலி செலுத்தி வந்தனர்.
ரோபோ ஷங்கர்..
விஜய் டிவி பிரபலங்களான ராமர், பாலாஜி, பாலா உள்ளிட்ட பலரும் அவரது உடலுக்கு நேரில் அஞ்சலி செலுத்தினர். நடிகர் ரோபோ ஷங்கர் தனது மனைவியுடன் வந்து அவரது உடலுக்கு மாலை அணிவித்து கண்ணீர் அஞ்சலி செலுத்தினார்.
விஜய் சேதுபதி
இதேபோல் தமிழ் சினிமாவின் முன்னணி நடிகர்களில் ஒருவரான விஜய் சேதுபதியும் வடிவேல் பாலாஜியின் உடலுக்கு நேரில் அஞ்சலி செலுத்தினார். அவரது குடும்பத்தினருக்கு நேரில் ஆறுதல் கூறிய விஜய் சேதுபதி நிதியுதவியும் அளித்தார்.
இறுதிச்சடங்கு
அவரை தொடர்ந்து உதயநிதி ஸ்டாலின், தேமுதிக தலைவர் விஜயகாந்தின் மகன் விஜய பிரபாகரன் உள்ளிட்ட பலரும் வடிவேல் பாலாஜியின் உடலுக்கு நேரில் அஞ்சலி செலுத்தினர். இந்நிலையில் இன்று பிற்பகல் வடிவேல் பாலாஜியின் இறுதிச்சடங்கு நடைபெற்றது.
ஆம்புலன்ஸில் ஊர்வலம்
இறுதியாக அவரது முகத்தை பார்த்து அவரது குடும்பத்தாரும் நண்பர்களும் கதறியது கலங்கச் செய்தது. அவரது வீடு அமைந்திருக்கும் சேத்துப்பட்டில் இருந்து நுங்கம்பாக்கம் இடுகாட்டிற்கு அவரது உடல் ஆம்புலன்ஸில் ஊர்வலமாக கொண்டு செல்லப்பட்டது.
உடல் அடக்கம்
வடிவேல் பாலாஜியின் இறுதி ஊர்வலத்தில் அவரது நண்பர்களும் நூற்றுக்கணக்கான ரசிகர்களும் பங்கேற்றனர். சுமார் ஒரு மணி நேர ஊர்வலத்திற்கு பிறகு நுங்கம்பாக்கம் இடுகாட்டில் வடிவேல் பாலாஜியின் உடல் அடக்கம் செய்யப்பட்டது.