வாரிசு சக்சஸ் மீட்…படக்குழுவினருடன் கேக் வெட்டி கொண்டாடிய விஜய்!

நடிகர் விஜய்

நடிகர் விஜய் நடிப்பில் கடந்த ஆண்டு பீஸ்ட் திரைப்படம் வெளியானது, நெல்சன் இயக்கத்தில் வெளியான இத்திரைப்படத்தில், 'ரா'உளவுப் பிரிவு ஏஜென்ட் விஜய் நடித்திருந்தார். ஒரு மாலினை தீவிரவாதிகள் குழு ஹைஜாக் செய்து, பொதுமக்கள் பிணைக் கைதிகளாக பிடித்து வைத்துக்கொள்ள, அவர்களை பல அகாஜூக வேலை செய்து விஜய் மீட்கிறார். இந்த படம் வசூலை பெற்றபோதும், கடுமையான விமர்சனத்திற்கு உள்ளாகி விஜய்யை வெச்சி செய்தார்கள் நெட்டிசன்ஸ்.

மனம் தொட்ட வாரிசு

இதனால், அடுத்த படத்தின் கதையின் மீது கவனமாக இருந்த விஜய் பல ஆண்டுகளுக்கு பிறகு குடும்ப செண்டிமென்ட் கதையில் நடித்துள்ளார். இந்த கதை ஏற்கனவே நமக்கு தெரிந்தகதையாக இருந்தாலும், விஜய்யின் புதுவிதமான பாடி லாங்குவேஜ், காதல், ரொமான்ஸ், செண்டிமென்ட் காட்சிகள் இருந்தால் ரசிகர்கள் படத்தை கொண்டாடி வருகின்றனர். குறிப்பாக ரஞ்சிதமே பாடலுக்கு திரையரங்கே அதிர்ந்தது எனலாம்.

ரூ.210 கோடி வசூல்

ஜனவரி 11ந் தேதி வெளியான வாரிசு திரைப்படம் வெளியான 7 நாட்களில் ரூ.210 கோடி வசூலித்துள்ளதாக தமிழக விநியோகஸ்தர் லலித் தெரிவித்து இருந்தார். பொங்கல் விடுமுறை முடிந்ததை அடுத்து,திரையங்கில் கூட்டம் குறைவாக இருந்தது.நேற்றும் இன்றும் விடுமுறை என்பதால், வாரிசு படத்தின் வசூல் கணிசமாக அதிகரிக்க வாய்ப்பு உள்ளதாக கூறப்படுகிறது.

வாரிசு சக்சஸ் மீட்

இந்நிலையில், வாரிசு திரைப்படம் வெளியாகி நேற்றோடு 10 நாட்களான நிலையில், வாரிசு திரைப்படத்தின் வெற்றியை நடிகர் விஜய், படக்குழுவினருடன் சேர்ந்து கேக் வெட்டி கொண்டாடி உள்ளார். ஐதராபாத்தில் நடைபெற்ற சக்சஸ் பார்ட்டியில், நடிகர் விஜய், இயக்குனர் வம்சி, தயாரிப்பாளர் தில் ராஜு, இசையமைப்பாளர் தமன், பாடலாசிரியர் விவேக், நடிகர் ஷியாம் ஆகியோர் கலந்துகொண்டனர். இதில் படக்குழுவினருக்கு விஜய் கேக் ஊட்டிவிட்டார். இந்த புகைப்படம் இணையத்தில் வைரலாகி வருகிறது.