விடாமுயற்சிக்கு எடுத்துக்காட்டு.. விஜய் யாரை கைக்காட்டியிருக்காரு தெரியுமா.. சாந்தனு நெகிழ்ச்சி!

நடிகர் விஜய்

நடிகர் விஜய் தன்னுடைய கேரியரில் மிகவும் சிறப்பாக செயல்பட்டு வருபவர். தொடர்ந்து ஹிட் கொடுக்க முடியவில்லை என்றாலும் வசூல்ரீதியாக தன்னுடைய படங்களை இவர் சிறப்பாக்கி விடுகிறார். தொடர்ந்து பல்வேறு தளங்களில் கதைகளை தேர்ந்தெடுத்து நடித்து வருகிறார். புதிய இயக்குநர்களுக்கும் வாய்ப்புகளை கொடுத்து வருகிறார்.

மாஸ்டர் படம்

அந்த வகையில் லோகேஷ் கனகராஜ் இயக்கத்தில் விஜய் நடித்திருந்த மாஸ்டர் படம் அவருக்கு சிறப்பாகவே அமைந்தது. இந்தப் படத்தில் ஹீரோவை குடி உள்ளிட்ட கெட்டப் பழக்கங்களுடன் ரசிகர்களுக்கு அறிமுகம் செய்திருப்பார் லோகேஷ். மாறாக வில்லனாக நடித்திருந்த விஜய் சேதுபதி டீ -டோட்லராக இருப்பார்.

வித்தியாசமான காம்பினேஷன்

இந்த வித்தியாசமான காம்பினேஷனுக்கு விஜய் போன்ற ஒரு மாஸ் ஹீரோ ஓகே சொன்னது கோலிவுட்டில் வியப்பாக பார்க்கப்பட்டது. ஆனால் விஜய் குறித்து தனது சமீபத்திய பேட்டியில் பேசிய லோகேஷ், அவர் எப்போதுமே வித்தியாசமான முயற்சிகளில் நடிக்க மிகுந்த ஆர்வம் கொண்டவர் என்று தெரிவித்திருந்தார்.

மீண்டும் கூட்டணி

இந்தக் கூட்டணி தளபதி 67 படத்திற்காக மீண்டும் இணையவுள்ள சூழலில், மாஸ்டர் படம் போல இல்லாமல் இந்தப் படத்தில் 100 சதவிகிதம் தன்னுடைய ஸ்டைலில் விஜய்யை நடிக்க வைக்கவுள்ளதாக லோகேஷ் தெரிவித்துள்ளார். ஆனால் முன்னதாக இவர்கள் இணைந்த மாஸ்டர் படத்தில் விஜய்யின் மாசை கருத்தில் கொண்டு 50 சதவிகிதம் மட்டுமே தன்னுடைய ஸ்டைலில் எடுத்ததாகவும் அவர் குறிப்பிட்டுள்ளார்.

மாஸ்டர் படத்தில் சாந்தனு

மாஸ்டர் படத்தில் விஜய்யுடன் இணைந்து பலர் சிறிய கதாபாத்திரங்களில் நடித்திருந்தனர். அந்த வகையில் விஜய்யுடன் அந்த படத்தில் நடிகர் சாந்தனுவும் சிறிய கதாபாத்திரம் ஒன்றில் நடித்திருந்தார். இந்நிலையில் தன்னுடைய சமீபத்திய பேட்டியில் விஜய்யுடன் நடித்த அனுபவம் குறித்து சாந்தனு பகிர்ந்துள்ளார்.

அருண்விஜய்யை எடுத்துக்காட்டிய விஜய்

தான் தன்னுடைய ஒரு படம் ஓடாததால் மிகவும் சோகமாக இருந்ததாகவும், அப்போது பேசிய விஜய் எல்லாம் சரியாகிவிடும் என்றும் தான் அந்த சூழல்களை எல்லாம் தாண்டி வந்ததையும் குறிப்பிட்டு அவருக்கு ஆறுதல் தெரிவித்துள்ளார். மேலும் நடிகர் அருண் விஜய், எவ்வளவு ஆண்டு போராட்டங்களை தாண்டி, விமர்சனங்களை தாண்டி சாதித்துள்ளதையும் விஜய் சுட்டிக்காட்டி பாராட்டியதையும் சாந்தனு குறிப்பிட்டுள்ளார்.