விஜய் சேதுபதி மாஸ்டர் ஷுட்டிங் ஸ்பாட்ல கொடுத்தது ஆடியோ லாஞ்சில் திருப்பி கொடுத்த விஜய்!

பாராட்டு

இதில் பங்கேற்ற படக்குழுவினர் அனைவருமே மிகவும் சுவாரசியமாக பேசினர். குறிப்பாக விஜயும் விஜய் சேதுபதியும் பேசியது முழுவதுமே ரசிக்கும் வகையில் இருந்தது. விஜய் சேதுபதி பேசும் போது நடிகர் விஜயை பாராட்டியும் புகழ்ந்தும் பேசினார். விஜய் ரொம்ப நல்லவர் எனக்கு அவரை ரொம்பவே பிடிக்கும்.

க்ளோஸ் அப் வையுங்க

அவருடன் படத்தில் நடிப்பதால் இதை சொல்லவில்லை. அதற்கு முன்பாகவே அவரை எனக்கு பிடிக்கும் என்றார். அவர் கொடுக்கும் குட்டி குட்டி ரியாக்ஷன்கள் கூட எனக்கு ரொம்ப பிடிக்கும் என்றார். அப்போது விஜய் வெட்கப்பட்டு சிரிக்க, கேமரா மேன்களை விஜய்க்கு க்ளோஸ் அப் வைக்கும்படி கேட்டுக்கொண்டார்.

மனதிலும் இடம்

விஜய் வெட்கப்பட்டால் மிகவும் அழகாக இருப்பார். ஒரு ஆணால் மற்றொரு ஆண் வெட்கப்படுவது வரலாறு குறித்து வைத்து கொள்ளுங்கள் என்றும் விஜய்சேதுபதி கூறினார். அவரை தொடர்ந்து பேசிய நடிகர் விஜய், பதிலுக்கு விஜய் சேதுபதியை புகழ்ந்தார். பெயரில் மட்டுமல்லாமல் மனதிலும் தனக்கு இடம் கொடுத்துள்ளார் என்றார்.

திருப்பி கொடுக்கலாமா?

விஜய் சேதுபதி தமிழ் சினிமாவில் தவிர்க்க முடியாத ஒரு நபராக இருக்கிறார். ஆனால் இந்தப் படத்தில் ஏன் நடிக்க ஒத்துக்கொண்டார் என கேட்டதற்கு உங்களை ரொம்ப புடிக்கும்னு நாலே வார்தையில் முடித்து விட்டார் என்றார். பின்னர் விஜயிடம் பேசிய நிகழ்ச்சி தொகுப்பாளர்கள் ஷுட்டிங் ஸ்பாட்டில் விஜய் சேதுபதியிடம் இருந்து வாங்கியதை அவரிடம் திரும்பி கொடுத்துவிடலாமா என கேட்டனர்.

கட்டியணைத்து முத்தம்

அதற்கு உடனே ஓகே சொன்னார் விஜய். தொகுப்பாளார்கள் விஜய் சேதுபதியை மேலே அழைக்கலாம் என்று கூறியும் கேட்காத விஜய் மேடையை விட்டு கீழே இறங்கி விஜய் சேதுபதியிடம் சென்றார். பின்னர் அவரை கட்டியணைத்து கன்னத்தில் முத்தம் கொடுத்தார். விஜய் சேதுபதி மாஸ்டர் படத்தின் ஷுட்டிங்கின் போது விஜய்க்கு முத்தம் கொடுத்தார்.

ரசிகர்கள் குஷி

அந்த போட்டோக்கள் சமூக வலைதளங்களில் வைரலானது. இந்நிலையில் நடிகர் விஜய், விஜய் சேதுபதியிடம் இருந்து பெற்ற முத்தத்தை நேற்று நடைபெற்ற மாஸ்டர் பட இசை வெளியிட்டு விழாவில் திரும்பக் கொடுத்தார். இந்த போட்டோக்களும் சமூக வலைதளங்களில் வைரலாகி வருகிறது. இந்த சம்பவம் விஜய் மற்றும் விஜய் சேதுபதி ரசிகர்களை குஷி படுத்தியுள்ளது.