நிச்சயதார்த்த நிகழ்ச்சியில் அசத்தலாய் பங்கேற்ற நடிகர் விஜய்.. யாருடையதுன்னு பாருங்க!

லீலாபேலஸ் ஹோட்டல்

இந்நிலையில் இருவீட்டார் சம்மதத்துடன் நடிகர் அதர்வாவின் தம்பிக்கும் நடிகர் விஜய் வீட்டு பெண்ணான சினேகாவுக்கும் திருமண நிச்சயதார்த்தம் நடைபெற்றது. நேற்று இரவு சென்னை லீலாபேலஸ் ஸ்டார் ஹோட்டலில் இந்த நிச்சயதார்த்த நிகழ்ச்சி நடைபெற்றது.

உதவி இயக்குநர்

எஸ்ஏ சந்திரசேகரின் பேத்தியான சினேகா, விஜய் 64 படத்தைத் தயாரிக்கும் சேவியர் பிரிட்டோவின் ஒரே மகள் ஆவார். 2012 ஆம் ஆண்டு வெளியான சட்டம் ஒரு இருட்டறை 2 படத்தில் உதவி இயக்குநராக பணியாற்றியிருந்தார்.

அண்ணனுக்கு கல்யாணம்

இருவரும் காதலித்து வந்த நிலையில் வெவ்வேறு மதங்களைச் சேர்ந்தவர்கள் என்பதால் இருவரின் காதலுக்கும் சிக்கல் ஏற்பட்டுள்ளது. அதோடு அண்ணன் அதர்வாவுக்கு திருமணம் நடந்த பிறகு நான் திருமணம் செய்துகொள்கிறேன் என்று ஆகாஷ் சொன்னதாலும் இருவரின் திருமணத்திலும் தாமதம் ஏற்பட்டிருக்கிறது.

நெருங்கிய நண்பர்கள்

தற்போது நல்லபடியாக பேசி தீர்த்து இருவீட்டாரின் ஒப்புதலுடன் திருமணம் நடைபெற்றுள்ளது. இந்த நிகழ்ச்சியில் அதர்வா குடும்பத்தினர், சினேகா குடும்பத்தினர் மற்றும் நெருங்கிய நண்பர்கள் மட்டுமே கலந்து கொண்டனர்.

விஜய் முன்னின்று

இந்த நிகழ்ச்சியில் நடிகர் விஜயும் கலந்துகொண்டார். வெள்ளை நிற சட்டை, கறுப்பு நிற பேன்ட் அணிந்து அசத்தலாய் இருந்தார் விஜய். விஜய்யே முன்னின்று இந்த நிச்சயதார்த்த நிகழ்ச்சியை நடத்தியதாக தெரிகிறது.