தளபதி 67 படத்தை தொடர்ந்து ரிலீசுக்கு முன்பே வசூல்மழையில் விஜய் படம்.. விஜய்ன்னாலே மாஸ்தான்!

நடிகர் விஜய்

நடிகர் விஜய் நடிப்பில் கடந்த ஏப்ரல் மாதம் கோடைக் கொண்டாட்டமாக வெளியானது பீஸ்ட் படம். இந்தப் படத்தில் பூஜா ஹெக்டே, செல்வராகவன், அபர்ணா, விடிவி கணேஷ் உள்ளிட்டவர்கள் நடித்திருந்தனர். மிகுந்த எதிர்பார்ப்புடன் வெளியான இந்தப் படம் கலவையான விமர்சனங்களையே பெற்றது.

பீஸ்ட் படம்

ஆனால் சன் பிக்சர்ஸ் தயாரிப்பில் வெளியான இந்தப் படம் வசூலில் சாதித்தது. இந்தப் படத்தின் ரிலீசுக்கு முன்னதாகவே தன்னுடைய தளபதி 66 படத்தின் சூட்டிங்கில் இணைந்தார் விஜய். இந்தப் படத்தின் டைட்டில் மற்றும் போஸ்டர்கள் விஜய் பிறந்தநாளையொட்டி வெளியாகி ரசிகர்களை வெகுவாக கவர்ந்தது.

வாரிசு படத்தின் சூட்டிங்

வாரிசு என டைட்டில் வைக்கப்பட்டுள்ள இந்தப் படத்தின் சூட்டிங் துவங்கப்பட்டு தற்போது இறுதிக்கட்டத்தை எட்டியுள்ளது. இந்தப் படத்தின் சூட்டிங்கை விரைவில் முடித்துவிட்டு போஸ்ட் புரொடக்ஷன்ஸ் பணிகளில் படக்குழு ஈடுபட உள்ளதாக தெரிவிக்கப்பட்டுள்ளது. இந்தப் படத்தை பிரபல இயக்குநர் வம்சி படிப்பள்ளி இயக்கி வருகிறார்.

இறுதிக்கட்டத்தில் வாரிசு படம்

படத்தின் சூட்டிங் விரைவில் நிறைவடைய உள்ளதாக கூறப்படும் நிலையில், விரைவில் படத்தின் பர்ஸ்ட் சிங்கிள் வெளியாகவுள்ளதாக தகவல்கள் தெரிவிக்கின்றன. இந்த அப்டேட்டிற்காக ரசிகர்கள் தற்போது மரண மாஸ் வெயிட்டிங். இந்தப் படம் குடும்ப சென்டிமெண்டை மையமாக வைத்து உருவாகியுள்ளதாக படத்தின் தயாரிப்பாளர் தில் ராஜூ முன்னதாக பேட்டியொன்றில் கூறியிருந்தார்.

சாட்டிலைட் -டிஜிட்டல் உரிமைகள்

இன்னும் சூட்டிங்கே நிறைவடையாத நிலையில், படத்தின் சாட்டிலைட் ரைட்சை சன் டிவி கைப்பற்றியுள்ளதாக தகவல்கள் வெளியாகியுள்ளன. இந்த உரிமை 50 கோடி ரூபாய்க்கு கைமாறியுள்ளதாக கூறப்படுகிறது. இதனிடையே, டிஜிட்டல் ரைட்சை அமேசான் ஓடிடி நிறுவனம் 60 கோடி ரூபாய்க்கும் ஆடியோ ரைட்சை டி-சீரிஸ் 10 கோடி ரூபாய்க்கும் கைப்பற்றியுள்ளதாக தகவல்கள் வெளியாகியுள்ளன.

ரிலீஸ் அறிவிப்புக்கு முன்பே வசூல்

விஜய்யின் தளபதி 67 படம் குறித்த அறிவிப்பே இன்னும் வெளியாகாத நிலையில், அதன் உரிமைகள் 250 கோடி ரூபாய்க்கு வியாபாரம் ஆகியுள்ளதாக தகவல்கள் வெளியாகின. இந்நிலையில் தற்போது வாரிசு படமும் ரிலீஸ் தேதி அறிவிப்பிற்கு முன்னதாகவே 120 கோடி ரூபாய் வரை வியாபாரம் செய்துள்ளது.

விஜய் என்றாலே மாஸ்தான்

இன்னமும் இந்தி மற்றும் வெளிநாட்டு உரிமைகளும் இந்தப் பட்டியலில் சேர்ந்தால் இந்த வசூல் மேலும் எகிறும் என்று எதிர்பார்க்கப்படுகிறது. விஜய் என்றாலே மாஸ்தான் என்பது கணிக்கப்பட்ட ஒன்றுதான். அவரது படங்களுக்கு கலவையான விமர்சனங்களே கிடைத்தாலும் படம் கையை கடிக்காத வகையில் நல்ல வசூலை ஈட்டித்தரும். இதனால்தான் அவரது அடுத்தடுத்த படங்களை தயாரிக்க அனைவரும் ஆர்வம் கட்டி வருகின்றனர்.