ட்விட்டரில் நேரலை.. விஜய் ரசிகர்களுக்கு ஹாய் சொன்ன விக்ரம்.. உற்சாகமான ரசிகர்கள்!

நடிகர் விக்ரம்

நடிகர் விக்ரம் காதல் நாயகனாகத்தான் கோலிவுட்டில் அறிமுகமானார். மிகவும் ஸ்மார்ட்டாக ரசிகர்களை கவரும்வகையில் இவரது கெட்டப் இருந்தது. பத்தோடு பதினொன்று என்றுதான் இவரும் ஆரம்பத்தில் பார்க்கப்பட்டார். ஆனால் பாலா இயக்கத்தில் இவர் நடித்த சேது படம் இந்த பிம்பத்தை உடைத்தது.

சேது படம்

இருவேறு கெட்டப்புகளில் நடித்திருந்த விக்ரமின் மிரட்டலான சேஞ்ச் ஓவர், படத்தின் வெற்றியை தீர்மானித்தது. பாலாவிற்கும் இப்படி ஒரு நடிகர் கிடைத்தது, அவரது வெற்றியையும் கோலிவுட்டில் சிறப்பாக்கியது. வேறு ஒரு நடிகர் இது போன்ற மெனக்கெடலை ஒரு படத்திற்காக கொடுத்திருப்பாரா என்பது சந்தேகமே.

சாதிக்கும் வெறி

பட வாய்ப்புகள் இல்லாமல் டப்பிங் உள்ளிட்டவற்றை செய்து வந்த விக்ரமிற்கு திரையில் சாதிக்க வேண்டும் என்று இருந்த வெறி, சேது படத்தின் கேரக்டரில் தெரிந்தது. தொடர்ந்து அவரது பயணம் அதன்பின்பு நிற்கவில்லை. தொடர்ந்தது. தொடர்ந்து வருகிறது. வரும் 31ம் தேதி இவரது கோப்ரா படம் ரிலீசாக உள்ளது.

கோப்ரா படம்

அஜய் ஞானமுத்து இயக்கத்தில் உருவாகியுள்ள இந்தப் படத்தில் விக்ரம் 20க்கும் மேற்பட்ட கேரக்டர்களில் நடித்துள்ளதாக கூறப்பட்டுள்ளது. படத்தின் போஸ்டர்கள், பாடல்கள் என வெளியான அனைத்தும் மிரட்டலாகவும் படத்தின் எதிர்பார்ப்பை கூட்டும்வகையிலும் அமைந்துள்ளது.

சிறப்பான பாடல்கள்

நீண்ட நாட்களாக இந்தப் படத்தின் ரிலீசுக்காக ரசிகர்கள் காத்திருந்த நிலையில், இன்னும் சில தினங்களில் படம் ரிலீசாக உள்ளது அவர்களை உற்சாகத்தில் ஆழ்த்தியுள்ளது. இந்தப் படத்தில் ஸ்ரீநிதி ஷெட்டி விக்ரமின் ஜோடியாக நடித்துள்ளார். இவர்கள் இருவரது நடிப்பில் உருவாகியுள்ள பாடல்களும் வெளியாகி அதிகமான வரவேற்பை ஏற்படுத்தியுள்ளது.

ட்விட்டரில் இணைந்த விக்ரம்

இந்நிலையில் இரு தினங்களுக்கு முன்பு ட்விட்டரில் இணைந்துள்ளார் விக்ரம். லேட்டாக வந்தாலும் லேட்டஸ்ட்டாக வந்துள்ளதாக கூறி அவர் வெளியிட்டிருந்த வீடியோ க்யூட்டாக இருந்தது. இந்நிலையில் கோப்ரா படத்தின் ப்ரமோஷனாக நேற்றைய தினம் ட்விட்டரில் ரசிகர்களுடன் விக்ரம் உரையாடினார்.

லைவில் உரையாடிய விக்ரம்

இந்த உரையாடலின்போது அதிகமான விஷயங்களை பகிர்ந்து கொண்டார். அடுத்தடுத்து ரசிகர்களுடன் சிறப்பாக அவர் பேசியது சிறப்பாக அமைந்தது. இதனிடையே விஜய் ரசிகர்கள் இந்த லைவில் இணைந்துள்ளது குறித்து மகிழ்ச்சி தெரிவித்த விக்ரம், அவர்களுக்கு பெரிய ஹாய் என்றும் எல்லாரும் எப்படி இருக்கீங்க என்றும் கேட்டார்.

விஜய் ரசிகர்களுக்கு ஹாய்

இதையடுத்து விஜய் ரசிகர்கள் மிகுந்த உற்சாகமடைந்தனர். தங்களது ஆதரவு எப்போதுமே விக்ரமிற்கு உண்டு என்று அவர்கள் தொடர்ந்து ட்வீட் செய்து வருகின்றனர். விக்ரமின் இந்த நேரலையை தொடர்ந்து கோப்ரா ஹேஷ்டேக் தொடர்ந்து ட்விட்டர் ட்ரெண்டிங்கில் உள்ளது. ரசிகர்கள் இந்தப் படத்தை கொண்டாட தற்போதே தயாராகி வருகின்றனர்.