Don't Miss!
- News அரசு புறம்போக்கு நிலம் என கைவிரித்த அதிகாரிகள்.. பட்டா வழங்க மறுப்பு.. ஹைகோர்ட் அதிரடி உத்தரவு
- Sports IPL 2024: ஏமாந்து போன ப்ரித்வி ஷா.. அது அவுட்டே இல்லை.. கொந்தளித்த டெல்லி ரசிகர்கள்.. என்ன நடந்தது?
- Lifestyle 18 ஆண்டுகளுக்கு பின் உருவான அங்காரக யோகம்: ஜூன் வரை இந்த 3 ராசிக்காரங்க கவனமா இருக்கணும்...
- Technology சீனாவிற்கு செக் வச்ச கேப்புல.. ரஷ்யாவிற்கும் ஒரு ஆப்பு பார்சல் பண்ண இந்தியா.. சாதித்தது DRDO புதிய ஏவுகணை!
- Automobiles பஜாஜ் நிறுவனத்தை உலகமே திரும்பி பாக்க போகுது! இப்படி ஒரு டூவீலரை இதுக்கு முன்னாடி யாருமே கொண்டு வந்தது இல்ல!
- Finance சிங்கம் போல் களமிறங்குகிறது BSNL.. டிசிஎஸ் உடன் மாஸ் திட்டம்..!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
ஒரே நேரத்தில் ரிலீஸ் ஆகிறதா, மெகா பட்ஜெட் படங்களான ஆர்ஆர்ஆர், கே.ஜி.எஃப் 2 ? என்ன சொல்கிறார் யஷ்?
சென்னை: ராஜமவுலியின் ஆர்ஆர்ஆர் படமும் கே.ஜி.எஃப் 2 படமும் ஒரே நேரத்தில் ரிலீஸ் ஆகப் போவதாக செய்திகள் வெளியாகி உள்ளது.
Recommended Video
கன்னட ஹீரோ யஷ் நடித்த 'கே.ஜி.எஃப்' படம் தமிழ் உட்பட 5 மொழிகளில் கடந்த 2018 ஆம் ஆண்டு ரிலீஸ் ஆனது.
பிரமாண்ட பட்ஜெட்டில் உருவாக்கப்பட்ட இந்தப் படம், சூப்பர் ஹிட்டானதை அடுத்து இதன் இரண்டாம் பாகம் இப்போது உருவாகி வருகிறது.
பிரதமராக
முதல் பாகத்தை இயக்கிய பிரசாந்த் நீல் இரண்டாம் பாகத்தையும் இயக்குகிறார். இதன் படப்பிடிப்பு தொடர்ந்து நடந்து வருகிறது. இந்தி நடிகர் சஞ்சய் தத், அதீரா என்ற வில்லனாக நடிக்கிறார். முதல் பாகத்தில் நடித்த ஶ்ரீனிதி ஷெட்டி இதிலும் ஹீரோயின். ரவீனா டாண்டன் பிரதமராக நடிப்பதாகக் கூறப்படுகிறது. ஆனந்த் நாக், மாளவிகா அவினாஷ் உட்பட பலர் நடிக்கின்றனர்.
ரிலீஸ் தள்ளி வைப்பு
முதல் பாகத்தை தமிழில் வெளியிட்ட விஷால், இந்தப் படத்தின் இரண்டாம் பாகத்தையும் வெளியிடுகிறார். இந்தப் பாகத்துக்கும் எதிர்பார்ப்பு அதிகரித்துள்ளது. வரும் ஜூலை மாதம், 5 மொழிகளில் இந்தப் படம் ரிலீஸ் ஆக இருப்பதாகக் கூறப்பட்டது. இந்நிலையில், இதன் ரிலீஸ் தேதி தள்ளி வைக்கப்பட்டுள்ளதாக செய்திகள் வெளியாயின.
ராஜமவுலி
இந்தப் படமும், ராஜமவுலி இயக்கி வரும் ஆர்ஆர்ஆர் படமும் ஒரே தேதியில் ரிலீஸ் ஆகப் போவதாக டோலிவுட்டில் செய்திகள் வெளியாகி உள்ளன. ஆர்ஆர்ஆர் படத்தில் ஜூனியர் என்டிஆர், ராம்சரண் தேஜா இணைந்து நடிக்கின்றனர். சுதந்திர போராட்ட வீரர்களான அல்லுரி சித்ராமஜூ, கொமரம் பீம் ஆகியோர் வாழ்க்கைக் கதையை கொண்ட படம் இது. ராஜமவுலியின் தந்தை விஜயேந்திர பிரசாத், இந்தப் படத்தின் கதையை எழுதியுள்ளார்.
ஹாலிவுட் நடிகர்கள்
இதில் இந்தி நடிகர் அஜய் தேவ்கன், சமுத்திரக்கனி, ஆலியா பட் உட்பட பலர் நடிக்கின்றனர். ஹாலிவுட் நடிகர்கள் சிலரும் நடிக்கின்றனர். இந்த படம் அடுத்த வருடம் ஜனவரி மாதம் 8 ஆம் தேதி ரிலீஸ் ஆக இருக்கிறது. அதே தேதியில், கே.ஜி.எஃப் சாப்டர் 2 படமும் ரிலீஸ் ஆக இருப்பதாகவும் ஒரே நாளில் 2 பெரிய பட்ஜெட் படங்கள் மோதுவது சரியாக இருக்காது என்றும் பரபரப்பாகச் செய்திகள் வெளியாயின.
உண்மை இல்லை
இந்நிலையில் இதை மறுத்துள்ளார், கே.ஜி.எஃப் ஹீரோ யஷ். இரண்டு படமும் ஒரே நேரத்தில் ரிலீஸ் ஆகாது. ஒன்றாக ரிலீஸ் ஆக இருப்பதாக வரும் தகவலில் உண்மை இல்லை என்றும் அவர் தெரிவித்துள்ளார். இருந்தாலும் கே.ஜி.எஃப் சாப்டர் 2 படம் எப்போது ரிலீஸ் ஆகும் என்று அவர் தெரிவிக்கவில்லை.