அந்தாளு இங்க நின்னா நா நடிக்க மாட்டேன்: அடம் பிடித்த அஞ்சலி

தலைமறைவு வாழ்க்கை...

அஞ்சலி சில நாட்கள் ஹைதராபாத்தில் தலைமறைவாக வாழ்ந்தார். பின்னர் அவர், புனேயில் நடந்த ஒரு தெலுங்கு படப்பிடிப்பில் கலந்து கொண்டார்.

சிங்கம்-2 டான்ஸ்...

சிங்கம்-2 படத்தில் ஒரு பாடல் காட்சியில் நடனம் ஆடுவதற்காக, தூத்துக்குடி வந்தார் அஞ்சலி. அங்கு 2 நாட்கள் தங்கியிருந்து படப்பிடிப்பில் கலந்து கொண்டார்.

கால்ஷீட்...

அஞ்சலியின் கால்ஷீட் கேட்பதற்காக களஞ்சியத்தின் மானேஜர் சரவணன் தூத்துக்குடி சென்றார். மானேஜர் சரவணனை, அஞ்சலி சந்திக்க மறுத்து விட்டாராம்.

நா நடிக்க மாட்டேன்...

சரவணன் இங்கு இருந்தால், நான் நடிக்க மாட்டேன் என்று அஞ்சலி கூறியதால், அங்கு பரபரப்பு ஏற்பட்டதாம்.இதனைத் தொடர்ந்து, சிங்கம்-2 படப்பிடிப்பு தளத்தில் இருந்து சரவணன் வெளியேற்றப்பட்டார்.

புகார் தெரிவிப்பு...

இதுபற்றி சரவணன் திரைப்பட தயாரிப்பு நிர்வாகிகள் சங்கம், டைரக்டர்கள் சங்கம், பிலிம்சேம்பர் ஆகிய அமைப்புகளில் புகார் செய்து இருக்கிறார். இந்த புகார் தொடர்பாக, 3 அமைப்புகளும் விசாரணை நடத்தி வருகின்றனவாம்.