தெலுங்கு Nonstop பிக்பாஸ்... களமிறங்கிய கன்னக் குழியழகி!

நடிகை பிந்து மாதவி

நடிகை பிந்து மாதவி தமிழில் வெப்பம் படம் மூலம் அறிமுகமானார். தொடர்ந்து கழுகு, கேடி பில்லா கில்லாடி ரங்கா, பசங்க 2 உள்ளிட்ட படங்களில் நடித்துள்ளார். தமிழ், தெலுங்கு மொழிகளில் பல வெற்றிப் படங்களில் நடித்துள்ளார். தொடர்ந்து சிறப்பான படங்களில் நடித்து வருகிறார்.

தமிழில் அடுத்தடுத்த படங்கள்

தற்போது தமிழில் நடிகர் சசிக்குமாருடன் பகைவனுக்கு அருள்வாய், மாயன் மற்றும் இயக்குநர் ரஞ்சித் ஜெயக்கொடி இயக்கத்தில் நாயகிக்கு முக்கியத்துவம் அளித்துள்ள யாருக்கும் அஞ்சேல் படங்கள் ரிலீசுக்கு தயாராகி வருகின்றன. தமிழில் கமல் தொகுத்து வழங்கிய பிக் பாஸ் நிகழ்ச்சியில் இவர் பங்கேற்றிருந்தார்.

பிக் பாஸ் போட்டியாளர்

இவருக்கு இந்த நிகழ்ச்சியின்மூலம் ஏராளமான ரசிகர்கள் தமிழில் கிடைத்தனர். இதனிடையே தமிழைப் போலவே தெலுங்கிலும் டிஜிட்டலில் 24 மணிநேரமும் ஒளிபரப்பாகும் நான்ஸ்டாப் பிக்பாஸ் போட்டியில் தற்போது பங்கேற்பாளராக இணைந்துள்ளார். தற்போது இந்த நிகழ்ச்சிக்கு மட்டுமின்றி பிந்து மாதவிக்கும் சிறப்பான வரவேற்பு காணப்படுகிறது.

நான்ஸ்டாப் பிக் பாசில் பிந்து மாதவி

இப்போதே பிந்துமாதவி ஆர்மி என பல ட்விட்டர் மற்றும் ஹாஷ்டாக்குகள் துவங்கப்பட்டு பரபரப்பை கிளப்பி வருகிறது. தெலுங்கு பிக்பாசில் பிந்து மாதவி கலந்துக் கொண்டுள்ளதையடுத்து அவருக்கும் தெலுங்கிலும் ஏராளமான ரசிகர்கள் கிடைப்பார்கள் என்று எதிர்பார்க்கப்படுகிறது.

நான் ஸ்டாப் பிக்பாஸ்

தெலுங்கில் பிக் பாஸ் போட்டியை தொகுத்து வழங்கிவரும் நடிகர் நாகார்ஜுனா அக்கினேனி தற்போது இந்த நான்ஸ்டாப் பிக் பாசையும் தொகுத்து வழங்கி வருகிறார். ரசிகர்களின் நாடித்துடிப்பை எகிற வைக்கும் வகையில் நாகார்ஜுனா இந்த நிகழ்ச்சியை நடத்தி செல்கிறார்.