அந்த மனசுதான் சார் கடவுள். மிரட்டும் கொரோனா.. ஊரடங்கால் தவிக்கும் மக்கள்.. உணவு அளித்த பிரபல நடிகை!

இரண்டாவது அலை

இந்நிலையில் கொரோனா ஊரடங்கால் பாதிக்கப்பட்டுள்ள மக்களுக்கு தனது அறக்கட்டளை மூலம் உணவு வழங்கி உதவி செய்து வருகிறார் ஜாக்குலின் ஃபெர்னான்டஸ். கொரோனா இரண்டாவது அலை நாடு முழுவதும் தீவிரமாக பரவி வருகிறது.

முழு ஊரடங்கு..

இதனால் பாதிக்கப்படுவோரின் எண்ணிக்கையும் உயிரிழப்போரின் எண்ணிக்கையும் நாளுக்கு நாள் அதிகரித்து வருகிறது. இதனை கட்டுப்படுத்தும் வகையில் பல்வேறு மாநில அரசுகளும் முழு ஊரடங்கு, பகுதி நேர ஊரடங்கு என கட்டுப்பாடுகளை விதித்து வருகிறது.

பாலிவுட் பிரபலங்கள் உதவி

ஊரடங்கு கட்டுப்பாடுகளால் தினக்கூலியை நம்பியுள்ள தொழிலாளர்கள் பெரும் இன்னலுக்கு ஆளாகியுள்ளனர். ஏழை மக்களுக்கு உதவும் வகையில் பாலிவுட் பிரபலங்கள் ஏற்கனவே மளிகைப் பொருட்கள், நிதியுதவி மற்றும் உணவு போன்றவற்றை அளித்து வருகின்றனர்.

ஏழை மக்களுக்கு உணவு

அந்த வகையில் மகாராஷ்டிரா மாநிலத்தில் ஊரடங்கால் பாதிக்கப்பட்டுள்ள மக்களுக்கு நடிகை ஜாக்குலின் தனது அறக்கட்டளை மூலம் உணவு வழங்கினார். மும்பையில் உள்ள ஏழை மக்களுக்கு உணவு வழங்கப்பட்டது.

Recommended Video

22 உயிர்களைக் காப்பாற்றிய Sonu Sood | Tamil Filmibeat

பாக்கியமாக நினைக்கிறேன்

இதுகுறித்து கருத்து தெரிவித்துள்ள ஜாக்குலின், பசித்தவர்களுக்கு உணவளிப்பதன் மூலம் அமைதி ஆரம்பிக்கிறது என்று அன்னை தெரசா கூறினார். அதன்படி இந்த கடினமான காலத்தில் ஏழை மக்களுக்கு உதவி செய்வதை எனக்கு கிடைத்த பாக்கியமாக கருதுகிறேன் என கூறியுள்ளார்.