Don't Miss!
- Sports ஐதராபாத் ரசிகர்களுக்கு அதிர்ச்சி.. ஹெட், அபிஷேக் சர்மா சோலி முடிஞ்ச்.. நம்ம ஆர்சிபி பவுலிங்கா இது!
- News மற்றொரு "வேங்கைவயல்" சம்பவம்? குடிநீர் தொட்டியில் மாட்டு சாணம்? கந்தவர்கோட்டை அருகே பகீர்
- Lifestyle முடி உதிர்ல் முதல் பொடுகு வரை அனைத்துப் பிரச்சனைகளுக்கும் ஒரே தீர்வு.. இந்த ஹேர் மாஸ்க்கை ட்ரை பண்ணுங்க...!
- Automobiles டீ கடை பிசினஸை விட்டு தள்ளுங்க.. ரயில்வே ஸ்டேஷன்ல தண்ணி கட போட்டாலே கோடி கணக்குல சம்பாதிக்கலாம்..
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
தலைவி படத்திற்காக அக்ஷய்குமார் ரகசியமாக பாராட்டினார்.. மீண்டும் பாலிவுட்டை கிழித்த கங்கனா!
சென்னை: தலைவி படத்திற்காக அக்ஷய்குமார் தன்னை ரகசியமாக பாராட்டினார் என கூறியுள்ள கங்கனா ரனாவத் பாலிவுட்டை மீண்டும் கிழித்து தொங்கவிட்டுள்ளார்.
Recommended Video
பிரபல பாலிவுட் நடிகை கங்கனா ரனாவத். இந்தி மட்டுமின்றி தமிழ் உட்பட மற்ற மொழி சினிமாக்களிலும் நடித்து வருகிறார்.
மனதில் பட்டதை பட்டென பேசும் கங்கனா ரனாவத் இதனாலேயே அடிக்கடி செய்திகளில் அடிபட்டு வருகிறார்.
பாலிவுட்டில் பார்ட்ஷியாலிட்டி
அவ்வப்போது பாலிவுட் சினிமாவையும் விளாசி வருகிறார் கங்கனா ரனாவத். பாலிவுட் சினிமா சிலரின் கட்டுப்பாட்டில் இருப்பதாகவும், பாலிவுட்டில் பார்ட்ஷியாலிட்டி இருப்பதாகவும் சாடி வருகிறார். இதனால் பிரபலங்கள் பலருடன் கங்கனாவுக்கு அடிக்கடி மோதல் ஏற்பட்டு வருகிறது.
தலைவி படத்தில் கங்கனா
அரசியல் தொடர்பான கருத்துக்களையும் அவ்வப்போது முன் வைத்து வருகிறார் கங்கனா ரனாவத். இந்நிலையில் கங்கனா ரனாவத் இயக்குநர் ஏஎல் விஜய் இயக்கத்தில் ஜெயலலிதாவின் வாழ்க்கை வரலாறு படமான தலைவி படத்தில் நடித்துள்ளார் கங்கனா.
பெரும் வைரல்
இதில் ஜெயலலிதா வேடத்தில் கங்கனா ரனாவத் நடித்துள்ளார். எம்ஜிஆராக அரவிந்த் சாமி நடித்துள்ளார். அவர்களின் கேரக்டர் போட்டோக்கள் வெளியாகி சமூக வலைதளங்களில் பெரும் வைரலானது. நல்ல வரவேற்பையும் பெற்றது.
23ஆம் தேதி ரிலீஸ்
மேலும் இப்படத்தில் பிரகாஷ் ராஜ், சமுத்திரகனி, பூர்ணா, மதுபாலா உள்ளிட்ட பலரும் முக்கிய கதாபாத்திரத்தில் நடித்துள்ளனர். தலைவி படத்தின் படப்பிடிப்பு முடிந்துவிட்ட நிலையில் தற்போது இப்படத்தின் டப்பிங் பணிகள் நடைபெற்று வருகிறது. தலைவி படம் வரும் ஏப்ரல் 23ஆம் தேதி ரிலீசாக உள்ளது.
ரகசியமாக பாராட்டினார்
தலைவி படத்தின் ட்ரெயிலரை பார்த்ததுமே கங்கனா ரனாவத்தின் நடிப்பை பலரும் புகழ்ந்து தள்ளினர். இந்நிலையில் கங்கனா ரனாவத், தனது டிவிட்டர் பக்கத்தில் கருத்து ஒன்றை பதிவிட்டுள்ளார். அதில்
'பாலிவுட் மிகவும் விரோதமானது, என்னைப் புகழ்வது கூட மக்களை சிக்கலில் சிக்க வைக்கும், அதனால்தான் அக்ஷய்குமார் போன்ற பெரிய நட்சத்திரங்கள் கூட தலைவி பட ட்ரெயிலரை பார்த்துவிட்டு என்னை ரகசியமாக பாராட்டியுள்ளனர்.
நான் வெல்வேன்
ஆனால் ஆலியா மற்றும் தீபிகா படங்களைப் போலல்லாமல் அவர்கள் வெளிப்படையாகப் பாராட்ட முடியாது அது. மூவி மாஃபியா பயங்கரவாதம்... ஒரு கலைத் தொழிலை கலையாக பார்க்க வேண்டும். சினிமாவுக்குள் வரும்போது அரசியலில் ஈடுபடக்கூடாது, எனது அரசியல் பார்வைகள் மற்றும் ஆன்மீகம் என்னை கொடுமைப்படுத்துதல், துன்புறுத்தல் மற்றும் தனிமைப்படுத்துதல் ஆகியவற்றின் இலக்காக மாற்றக்கூடாது, ஆனால் அவர்கள் அவ்வாறு செய்தால், நான் வெல்வேன் என பதிவிட்டுள்ளார்.
சிறந்த நடிகைக்கான விருது
நடிகை கங்கனா ரனாவத்துக்கு 2019ஆம் ஆண்டின் சிறந்த நடிகைக்கான தேசிய விருது அறிவிக்கப்பட்டுள்ளது. கங்கனா ஜெயம் ரவியின் தாம் தூம் படத்தில் நடித்ததன் மூலம் தமிழ் சினிமாவுக்கு அறிமுகமானார் என்பது குறிப்பிடத்தக்கது.