ஆரியுடன் போட்டோ எடுத்த மதுமிதா.. ரசிகர்கள் என்ன சொல்லியிருக்காங்க பாருங்க!

பிக்பாஸிலிருந்து வெளியேற்றம்

இதில் சக ஹவுஸ்மேட்ஸ் கார்னர் செய்ததால் மன உளைச்சலுக்கு ஆளான மதுமிதா கத்தியால் கையை கிழித்துக்கொண்டு தற்கொலைக்கு முயன்றார். இதனால் பிக்பாஸ் விதிகளை மீறியதாக கூறி நிகழ்ச்சியில் இருந்து வெளியேற்றப்பட்டார் மதுமிதா.

ஃபைனல்ஸ் செல்வார்..

பிக்பாஸ் வீட்டில் இருந்த வரை மதுமிதா நேர்மையாக விளையாடினார். டாஸ்க்குகளையும் சிறப்பாக செய்தார். இதனால் ஏராளமான ரசிகர்களை பெற்றார். இறுதி வரை செல்வார் என எதிர்பார்க்கப்பட்ட நிலையில் இடையிலேயே வெளியேற்றப்பட்டார் மது.

கலைமாமணி விருது

தொடர்ந்து படங்களில் பிஸியாக நடித்து வரும் மதுமிதாவுக்கு தமிழக அரசு அண்மையில் கலைமாமணி விருது வழங்கியது. இந்நிலையில் நடிகை மதுமிதா பிக்பாஸ் சீசன் 4 டைட்டில் வின்னரான ஆரியை நேரில் சந்தித்துள்ளார்.

மக்கள் இதயங்களை வென்றவர்

ஆரியுடன் எடுத்த போட்டோவை தனது சமூக வலைதள பக்கத்தில் ஷேர் செய்துள்ள மதுமிதா மக்கள் இதயங்களை வென்றவரை ஃபங்ஷன் ஒன்றில் சந்தித்தேன் என கேப்ஷன் கொடுத்துள்ளார்.

மறுபடி வெல்லும்

மதுமிதாவின் இந்த போட்டோக்களை பார்த்த நெட்டிசன்கள், நீங்கள் இருவருமே மக்கள் மனதை வென்றவர்கள் மது நேர்மை தோற்காது மனதின் சாட்சிப்படி வாழ்பவர்களுக்கு நாங்கள் இருக்கிறோம் தர்மம் மறுபடி வெல்லும் என்று பதிவிட்டு வருகின்றனர்.