நானொரு ரெயின்போ லாலிபாப்.. பிரபல நடிகை வெளியிட்ட க்யூட் போட்டோஸ்!

கௌரவத் தோற்றத்தில்

குறைந்த அளவு திரைப்படங்கள் மட்டுமே நடித்திருந்தாலும் தமிழ் மற்றும் மலையாளத்தில் தனக்கென தனி இடத்தை பிடித்துள்ள நடிகை மஹிமா நம்பியாரின் க்யூட்டான நடிப்பிற்கு தமிழ் ரசிகர்கள் பலரும் அடிமையாகி உள்ளனர். மலையாளத்தில் வெளியான காரியஸ்தன் படத்தில் அறிமுகமான இவர் தொடர்ந்து சமுத்திரக்கனி கௌரவத் தோற்றத்தில் நடித்திருந்த சாட்டை படத்தின் மூலம் தமிழ் சினிமாவிற்கு அறிமுகப்படுத்தப்பட்டார்.

நல்ல கதையம்சத்தை

இதுவரை பல திரைப்படங்களில் நடித்திருந்தாலும் அருண் விஜய்யுடன் இணைந்து நடித்த குற்றம் 23 இவருக்கு மிகப்பெரிய திருப்புமுனையை ஏற்படுத்தியதோடு நல்ல கதையம்சத்தை கொண்டதால் படவாய்ப்புகள் குவியத் தொடங்கின. மஹிமா மற்றும் அருண் விஜய் என இருவருக்குமே மிகப்பெரிய திருப்புமுனையை இந்த படம் ஏற்படுத்தியிருக்க அதைத்தொடர்ந்து நடித்த புரியாத புதிர், கொடிவீரன், இரவுக்கு ஆயிரம் கண்கள், மகாமுனி மற்றும் சமீபத்தில் வெளியான அசுர குரு ஆகிய படங்கள் இவருக்கு நல்ல பெயரை பெற்று தந்தது.

மலையாள படங்களில்

குறிப்பாக மகாமுனியில் சமூகப் போராளி பெண்ணாக நடித்து அனைவரது பாராட்டுகளையும் பெற்ற இவர் இப்பொழுது மலையாள படங்களில் நடிப்பதில் கவனம் செலுத்தி வருகிறார். தமிழில் முன்னணி நடிகர் ஒருவரின் திரைப்படத்தில் நடிக்க பேச்சுவார்த்தை நடைபெற்றுக் கொண்டிருக்கும் நிலையில் அவ்வப்போது வெளியிடும் இவரின் போட்டோ ஷூட் புகைப்படங்கள் இணையதளத்தை வைரலாக்கி வருகிறது.

முயல் குட்டி ஹேர் ஸ்டைலில்

அந்த வகையில் இப்பொழுது கலர் கலரான ரெயின்போ பேண்ட் அணிந்து கொண்டு க்யூட்டான முயல் குட்டி போல அழகான ஹேர் ஸ்டைலில் உள்ள புகைப்படங்களை பதிவிட்டதோடு நான் ஒரு ரெயின்போ லாலிபாப் என கேப்ஷன் போட்டிருக்கும் இந்த லேட்டஸ்ட் போட்டோ ஷூட் புகைப்படங்கள் அனைவரது கவனத்தையும் ஈர்த்து வைரலாகி வருகிறது.