‘’பாபநாசம் 2“வில் நடிப்பீங்களா? கமலிடம் கேளுங்கள்… நடிகை மீனா பதில் !

மிகப்பெரிய வெற்றி

த்ரிஷ்யம் தமிழில் பாபநாசம் என்ற பெயரில் வெளியானது. இதில் கமல்ஹாசன், கௌதமி, நிவேதா தாமஸ் உள்ளிட்ட பலர் நடித்திருந்தனர். இப்படம் விமர்சன ரீதியாகவும் வசூல்ரீதியாகவும் மிகப்பெரிய அளவில் வெற்றி பெற்றது. இதில் கௌதமியின் நடிப்பு குறித்து சில நெகட்டிவான விமர்சனங்கள் எழுந்தபோதிலும் கமலின் நடிப்பை அனைவரும் பாராட்டினர்.

பேச்சுவார்த்தை

இந்நிலையில், பாபநாசம் 2 விரைவில் உருவாக உள்ளது. இதில் கமல்ஹாசன் நடிக்க சம்மதம் தெரிவித்துள்ள நிலையில், முதல் பாகத்தில் கமலுக்கு ஜோடியாக நடித்த கௌதமி , இரண்டாம் பாகத்தில் இல்லை என்றும், அவர் நடித்த கதாபாத்திரத்தில் மீனாவை நடிக்க வைக்க பேச்சுவார்த்தை நடைபெற்று வருவதாகவும் கூறப்படுகிறது.

கமலிடம் கேளுங்கள்

இதுகுறித்துதனது இன்ஸ்டாகிராம் பக்கத்தில் ரசிகர்களுடன் கலந்துரையாடிய நடிகை மீனாவிடம் ரசிகர் ஒருவர் பாபநாசம் 2வில் கமலுக்கு ஜோடியாக நீங்க நடிப்பீங்களா என்ற கேள்விக்கு, இந்த கேள்வியை கமலிடம் கேளுங்கள் என்று பதிலளித்துள்ளார்.

த்ரிஷ்யம் 2 தெலுங்கு ரீமேக்

திருமணத்திற்கு பின்பு திரைப்படங்களில் நடிப்பதிலிருந்து ஒதுக்கி இருந்த மீனா, த்ரிஷ்யம் முதல் மற்றும் இரண்டாம் பாகத்திலும் நடித்திருந்தார். தற்போது இவர், அண்ணாத்த, த்ரிஷ்யம் தெலுங்கு ரீமேக் ஆகிய படங்களில் நடித்து வருகிறார்.