நான் நடித்த காட்சிகளை எப்படி நீக்கலாம்.. நம்ம வீட்டுப்பிள்ளை படக்குழு மீது பாய்ந்த மீரா மிதுன்!

நம்ம வீட்டுப்பிள்ளை படம்

இதனை தொடர்ந்து அவர் பிக்பாஸ் நிகழ்ச்சியில் இருந்து வெளியேற்றப்பட்டார். ஏற்கனவே தானா சேர்ந்த கூட்டம் படத்தில் சிறு வேடத்தில் நடித்திருந்த மீரா, பிக்பாஸ் நிகழ்ச்சியில் சிவகார்த்திகேயனுடன் நம்மவீட்டுப்பிள்ளை படத்தில் நடித்து வருவதாக கூறினார்.

கடுப்பான மீரா மிதுன்

இந்நிலையில் நம்ம வீட்டுப்பிள்ளை படத்தில் அவர் நடித்திருந்த காட்சிகள் அனைத்தும் நீக்கப்பட்டுள்ளன. இதனால் கடுப்பான மீரா மிதுன் டிவிட்டரில் கொந்தளித்துள்ளார்.

விஜய் டிவிக்கு போனதால்

இதுதொடர்பாக அவர் பதிவிட்டுள்ள டிவிட்டில் நம்ம வீட்டுப்பிள்ளை படத்திற்காக 10 நாட்கள் கடுமையான வெயிலில் கடிகாரம் போல சுழன்று வேலை பார்த்தேன். ஜிகிரி தோஸ்து என்ற பாடலும் காட்சியாக்கப்பட்டது. பிக்பாஸ் நிகழ்ச்சியில் இருந்து நான் வெளியே வந்த பிறகு சன்பிக்ஸர்ஸும் இயக்குநர் பாண்டிராஜும், என் தொடர்பான காட்சிகளை நீக்குவதாக கூறினர். ஏனெனில் பிக்பாஸ் நிகழ்ச்சியில் பங்கேற்க நான் விஜய் டிவிக்கு சென்றதால் என பதிவிட்டுள்ளார்.

ஆரோக்கியமான போட்டியில்லை

மற்றொரு டிவிட்டில், கோலிவுட்டில் ஆரோக்கியமான போட்டியில்லாதது உண்மையிலேயே எனக்கு மகிழ்ச்சியை கொடுக்கவில்லை. நான் நினைக்கிறேன் சிவகார்த்திகேயன் கூட விஜய் டிவியில் இருந்து வந்தவர்தான் என்று. திரைப்படங்கள் மற்றும் நடிகர்களின் தரத்தை மேம்படுத்த முதலில் கோலிவுட்டில் தொழில் முறை கலாச்சாரத்தை பெறுங்கள், என தெரிவித்துள்ளார் மீரா மிதுன்.

ஹீரோக்களுக்கு பிரச்சனை

மேலும் பிரியங்கா சோப்ரா ஏன் கோலிவுட் பக்கமே திரும்புவதில்லை என்றும் எனக்கு இப்போதுதான் புரிகிறது. இங்குள்ள மக்கள் ஒரு பிரபலமான திறமையான பெண்ணுடன் ஜோடி சேர்ந்து நடிப்பதில் ஆண் பேரினவாத அணுகுமுறை மற்றும் தாழ்வு மனப்பான்மை ஒரு சிக்கலாக உள்ளது. குறிப்பாக ஹீரோக்கள் புகழ்பெற்ற ஒரு பெண்ணுடன் ஜோடி சேர முடியாது! கோலிவுட் இன்னும் வளரனும். இவ்வாறு நடிகை மீரா மிதுன் தெரிவித்துள்ளார்.