டிவி நடிகருடன் பிரபல நடிகைக்கு திடீர் நிச்சயதார்த்தம்.. அடுத்த வருடம் திருமணம்.. ரசிகர்கள் வாழ்த்து

நட்பின் நூறாம் நாள்

தமிழில், செலிபிரிட்டி சினிமா சார்பில் டி.எஸ். வாசன் தயாரித்து கதாநாயகனாக நடித்த படம், ஜெனிபர் கருப்பையா. இதில் நாயகியாக நடித்திருந்தார் மிருதுளா விஜய். சரவண பாண்டியன் இயக்கி இருந்த இந்தப் படம், கடந்த 2016 ஆம் ஆண்டு வெளியானது. அதற்கு முன், ராஜா தேசிங்கு இயக்கத்தில் விஜய சிரஞ்சீவியின் நட்பின் நூறாம் நாள் என்ற படத்தில் நடித்திருந்தார்.

பிரிட்டீஷ் பங்களா

இதையடுத்து, கடன் அன்பை முறிக்கும் என்ற படத்தில் நடித்தார். இந்தப் படங்கள் பெரிதாகக் கவனிக்கப் படவில்லை. இதனால், மலையாளப் படங்களில் கவனம் செலுத்தினர். செலபிரேசன், பிரிட்டீஷ் பங்களா, இன்பினிட்டி, நெக்ஸ்ட், டோக்கர் நம்பர் பிளீஸ் ஆகிய படங்களில் அங்கு நடித்துள்ளார்.

பூக்காலம் வரவாயி

மிருதுளா சிறந்த நடனக் கலைஞரும் கூட. பாரியா, பூக்காலம் வரவாயி உட்பட சில டாப் தொடர்களின் மூலம் புகழ்பெற்றுள்ள அவர், சில மியூசிக் வீடியோவிலும் நடித்திருக்கிறார். இவருக்கும் மலையாள சின்னத்திரை நடிகர் யுவகிருஷ்ணா என்பவருக்கும் திருமணம் நிச்சயிக்கப்பட்டுள்ளது.

பொதுவான நண்பர்

இவர்களின் நிச்சயதார்த்தம் திருவனந்தபுரத்தில் நேற்று நடந்தது. இதையடுத்து இருவரும் தங்கள் திருமணத்தை அறிவித்துள்ளனர். அடுத்த வருடம் திருமணம் நடக்கிறது. இது காதல் திருமணம் இல்லை என்றும் இருவருக்கும் பொதுவான நண்பர் மூலம் இந்த திருமண ஏற்பாடு நடந்ததாகக் கூறப்படுகிறது.

சேச்சி, சேட்டா

இவர்கள் தங்கள் திருமணம் பற்றி வீடியோ மூலம் அறிவித்துள்ளனர். சோசியல் மீடியாவில் வெளியிட்டுள்ள இந்த வீடியோ வைரலாகி வருகிறது. இதையடுத்து சமூக வலைதளங்களில் ரசிகர்கள், சேச்சி, சேட்டா என அவர்களுக்கு வாழ்த்துகளை தெரிவித்து வருகின்றனர்.