‘மீனா குமாரி‘ முமைத்கானுக்கு இன்று பிறந்தநாள்.. பிரபலங்கள் வாழ்த்து !

கவர்ச்சி நடனமாடி

ஹிந்தி திரைப்படங்கள் மூலம் திரைப்படங்களில் நடிக்க ஆரம்பித்த முமைத்கான் இன்று தமிழ் தெலுங்கு கன்னடம் எனப் பல இந்திய மொழிகளில் நடித்தும், பல்வேறு திரைப்படங்களில் பாடல்களுக்கு கவர்ச்சி நடனமாடியும் ரசிகர்களை குதூகலிக்க வைத்து வருகிறார்.

ஐட்டம் டான்சராக

கந்தசாமி திரைப்படத்தில் வரும் என் பேரு மீனாகுமாரி, போக்கிரி படத்தில் வரும் என் செல்லப்பேரு ஆப்பிள் மற்றும் வில்லு திரைப்படத்தில் வரும் டாடி மம்மி வீட்டில் இல்ல உள்ளிட்ட பல பாடல்களில் விஜய், விக்ரம் உள்ளிட்ட முன்னணி தமிழ் நடிகர்களுடன் ஐட்டம் டான்சராக நடனத்தில் பட்டையை கிளப்பி இருக்கும் முமைத்கான் ரசிகர்களை மகிழ்வித்ததோடு இன்று வரை பிரபலமாக இருந்து வருகிறார்.

படங்களில் குத்தாட்டம்

இவ்வாறு கவர்ச்சி நடனத்தின் மூலம் ரசிகர்கள் அனைவரையும் கலங்கடித்து வரும் முமைத்கான் தெலுங்கு திரைப்படத்திலும் மகேஷ்பாபு உள்ளிட்ட பல முன்னணி நடிகர்களுடன் இணைந்து நடித்ததோடு பல படங்களில் குத்தாட்டம் போட்டுள்ளார்.

கோமா நிலைக்கு

தெலுங்கு தமிழ் ஹிந்தி என தனது நடனத்தின் மூலம் ரசிகர்களை குத்தாட்டம் போட வைத்த முமைத்கான் 2016 ஆம் ஆண்டு வீட்டில் தூக்கத்தில் படுக்கையில் இருந்து கீழே விழுந்து தலையில் பலமாக அடிபட்டு பின் கோமா நிலைக்கு சென்றார்.

மிகத்தீவிரமாக தயாராகி

இரண்டு வருட போராட்டத்திற்கு பிறகு கோமா நிலையில் இருந்து வெளியில் வந்து மீண்டும் இயல்பு நிலைக்கு திரும்பிய முமைத்கான், மீண்டும் திரைப்படங்களில் நடிக்கவும் நடனமாடவும் மிகத்தீவிரமாக தயாராகிக் கொண்டு வருகிறார்.

பிறந்தநாள்

இவ்வாறு திரைப்படங்களில் பல்வேறு குத்துப் பாடல்களின் மூலம் அனைவரையும் மகிழ்ச்சிப்படுத்தி வந்த நடிகை முமைத்கான் செப்டம்பர் 1ம் தேதியான இன்று தனது பிறந்தநாளை கொண்டாடி வருவதையொட்டி இவரது ரசிகர்கள் மற்றும் திரைத்துறையை சேர்ந்த பல பிரபலங்கள் என பலரும் இவருக்கு வாழ்த்துக்களை தெரிவித்து வருகின்றனர்.