ஓணம் பண்டிகைக்காக காதலருடன் தனி விமானத்தில் பறந்த நயன்தாரா.. வேற லெவலில் வைரலாகும் போட்டோ!

விக்கியுடன் காதல்

நடிகை நயன்தாரா, இயக்குநர் விக்னேஷ் சிவனை காதலித்து வருகிறார். விக்னேஷ் சிவன் இயக்கத்தில் நானும் ரவுடிதான் படத்தில் ஹீரோயினாக நடித்தார் நயன்தாரா அப்போது இருவருக்கும் இடையே காதல் மலர்ந்தது.

லிவிங் டுகெதர்

தொடர்ந்து இருவரும் லிவிங் டுகெதரில் வசித்து வருகின்றனர். இருவருக்கும் ரகசிய திருமணம் நடந்துவிட்டதாக அவ்வப்போது தகவல் பரவி வருகிறது. இருப்பினும் அதைப் பற்றியெல்லாம் கவலைப்படாத விக்கியும் நயன்தாராவும் அவ்வப்போது வெளிநாடுகளுக்கு சுற்றுலா சென்று ஒன்றாக ஊர் சுற்றி வருகின்றனர்.

ஓணம் பண்டிகைக்காக..

அந்த போட்டோக்கள் அடிக்கடி சமூக வலைதளங்களில் வைரலாகி ரசிகர்களை திணறடித்து வருகிறது. இந்நிலையில் நடிகை நயன்தாரா ஓணம் பண்டிகையை கொண்டாட தனது சொந்த ஊரான கேரளாவுக்கு சென்றுள்ளார்.

தனி விமானம் மூலம்

இருவரும் தனி விமானம் மூலம் கொச்சின் விமான நிலையத்திற்கு சென்றுள்ளனர். அவர்கள் இருவரும் விமானத்தில் இருந்து இறங்கி நடந்து செல்லும் போட்டோக்கள் சமூக வலைதளங்களில் வைரலாகி வருகிறது.

முதுகில் பேக்

அதிர் கறுப்பு நிற பேண்ட் ஷர்ட் அணிந்துள்ளார் நயன்தாரா. மஞ்சள் நிற ஹீல்ஸ், கூலிங் கிளாஸ் என கையில் மொபைலுடன் செல்கிறார். நடிகர் விக்னேஷ் சிவன் கையில் ஒரு ஜெர்க்கினையும் முதுகில் பேக்கையும் மாட்டி செல்கிறார்.

தீயாய் பரவும் போட்டோ

நயன்தாரா மற்றும் விக்னேஷ் சிவன் நடந்து செல்லும் இந்த போட்டோ சமூக வலைதளங்களில் தீயாய் பரவி வருகிறது. தற்போது கொரோனா லாக்டவுன் காரணமாக விமான சேவை ரத்து செய்யப்பட்டுள்ளதால் இருவரும் தனி விமானம் மூலம் சென்றுள்ளனர்.