பாவ்னி செய்துக் கொண்ட லேசர் சிகிச்சை.. அச்சச்சோ என்னாச்சு என பதறிய ரசிகர்கள்!

பிக்பாஸ் நிகழ்ச்சி

விஜய் டிவியின் முக்கியமான மற்றும் முன்னணி நிகழ்ச்சியாக பிக்பாஸ் நிகழ்ச்சி காணப்படுகிறது. இந்த நிகழ்ச்சி மூலம் ஏராளமான ரசிகர்களை கவர்ந்த போட்டியாளர்கள் பலர் காணப்படுகின்றனர். ஹரீஷ் கல்யாண் உள்ளிட்டவர்கள் இந்த நிகழ்ச்சி மூலமே சினிமாவில் தங்களின் கேரியரை பலப்படுத்திக் கொண்டார்கள்.

அமீர் -பாவ்னி ஜோடி

கமல்ஹாசன் தொகுத்து வழங்கிவரும் பிக்பாஸ் நிகழ்ச்சி தற்போது 6வது சீசனில் போட்டியாளர்களின் சிறப்பான செயல்பாடுகளுடன் ஒளிபரப்பாகி வருகிறது. இதன் 5வது சீசனில் ராஜு டைட்டிலை வெற்றிக் கொண்டார். பிரியங்கா தேஷ்பாண்டே ரன்னர் அப்பாக வந்தார். ஆனால் இந்த நிகழ்ச்சியில் ரசிகர்களை அதிகமாக அமீர் -பாவ்னி ஜோடி கவர்ந்திருந்தது.

பாவ்னியிடம் காதலை சொன்ன அமீர்

நிகழ்ச்சியில் பாவ்னி, தன்னுடைய கணவர் தற்கொலை செய்துக் கொண்டது தொடர்பாக வருத்தத்தை பதிவு செய்த நிலையில், நிகழ்ச்சியின் பாதியில் பங்கேற்ற நடன இயக்குநர் அமீர், பாவ்னியிடம் தன்னுடைய காதலை தெரிவித்தார். தொடர்ந்து அவரை திருமணம் செய்யும் விருப்பத்தை பல சந்தர்ப்பங்களில் வெளியிட்டார்.

காதலை ஏற்காத பாவ்னி

ஆனால் நிகழ்ச்சி முடியும்வரை அவருடைய காதலை பாவ்னி ஏற்கவில்லை. தொடர்ந்து இந்த ஜோடி பல சந்தர்ப்பங்களில் இணைந்தே காணப்பட்டனர். அமீர் பிறந்தநாளில் அவரது வீட்டிற்கே சென்று அந்த கொண்டாட்டத்தில் பாவ்னி பங்கேற்றார். இவை எல்லாவற்றிற்கும் அவர் சொன்ன காரணம் நட்பு.

பிக்பாஸ் ஜோடிகள் சீசன் 2 நிகழ்ச்சி

தொடர்ந்து இவர்கள் இருவரும் இணைந்து பிக்பாஸ் ஜோடிகள் சீசன் 2 நிகழ்ச்சியில் பங்கேற்றனர். இதில் நடன இயக்குநராக அமீர், தனியாக சிறப்பான பங்களிப்பை கொடுத்தார். பாவ்னிக்கு நடனம் சரியாக வரவில்லை என்றாலும் அதையும் சேர்த்து அமீரே பார்த்துக் கொண்டார். அவருக்கு எளிமையான ஸ்டெப்சை கொடுத்து தான் கடினமான ஸ்டெப்சை போட்டு டைட்டிலையும் வெற்றி கொண்டார்.

பாவ்னி லேசர் சிகிச்சை

இதையடுத்து அமீரின் காதலுக்கு பாவ்னி ஓகே, சொல்ல ரசிகர்கள் மிகுந்த மகிழ்ச்சி அடைந்தனர். விரைவில் இவர்களது திருமணம் நடைபெறும் என்று எதிர்பார்க்கப்படுகிறது. இதனிடையே தற்போது மருத்துவமனையில் லேசர் சிகிச்சை செய்துள்ளார் பாவ்னி. தன்னுடைய கைகளில் உள்ள வேண்டாத முடிகளை அகற்றும் சிகிச்சை வலியில்லாமல் சிறப்பாக உள்ளதாகவும் அவர் தனது இன்ஸ்டாகிராமில் தெரிவித்துள்ளார்.

பாவ்னி வீடியோ

ஆ, ஊ என்றெல்லாம் அவஸ்தை படாமல், மிகவும் எளிமையாக இந்த சிகிச்சை தற்போது அட்வான்ஸ் தொழில்நுட்பத்துடன் மேற்கொள்ளப்படுவதாகவும் அதை தான் தற்போது செய்து வருவதாகவும் அவர் வீடியோ மூலம் இன்ஸ்டாகிராமில் தெரிவித்துள்ளார். தற்போது எந்த நிகழ்ச்சியிலும் பங்கேற்காத பாவ்னி, தன்னுடைய திருமணத்தையொட்டி இந்த சிகிச்சையை எடுத்துக் கொள்கிறாரா என்றும் ரசிகர்கள் கேட்டு வருகின்றனர்.