இதுவரை 200 பெண்களுடன் படுத்திருப்பதாக பெருமைப்பட்டார் அனுராக் காஷ்யப்.. பகீர் கிளப்பும் பயல் கோஷ்!

ஃபிரிடம் படம்

இதுதொடர்பாக தனியார் ஊடகம் ஒன்றிற்கு அவர் அளித்த பேட்டியில் கூறியிருப்பதாவது, இது 2014 - 2015ஆம் ஆண்டு அவர் பாம்பே வெல்வெட் படத்தை இயக்கிய போது இது நடந்தது. நான் பாலிவுட்டில் எனது வாழ்க்கையைத் தொடங்கிக் கொண்டிருந்தேன், விவேக் அக்னிஹோத்ரியுடன் ஃபிரிடம் என்று ஒரு படத்தில் நடித்துக் கொண்டிருந்தேன்.

உள்ளே அழைத்தார்

நான் இயக்குநர்களை அப்போதுதான் சந்திக்கத் தொடங்கினேன், எனது மேலாளர் அவருடன் பேஸ்புக் மூலம் ஒரு சந்திப்புக்கு ஏற்பாடு செய்திருந்தார். நானும் எனது மேலாளரும் அவரைச் சந்திக்க அவரது அலுவலகத்திற்குச் சென்றோம். என் மேலாளரை வெளியவே இருக்குமாறு கூறிய அவர் என்னை மட்டும் உள்ளே அழைத்தார். அங்கு மேலும் பலர் இருந்தனர். அவர்களுடன் பேசிக் கொண்டிருந்தார்.

ஓரிரு நாட்களுக்கு பிறகு

ஆனால் என்னை அவருக்கு எதிரே அமர வைத்து பார்த்தப்படியே இருந்தார். நான் அதைப் பற்றி அதிகம் யோசிக்கவில்லை, உண்மையில், அவரைச் சந்திக்க எனக்கு வாய்ப்பு கிடைத்ததில் நான் மகிழ்ச்சியடைந்தேன். நான் திரும்பிச் சென்றேன், அப்போது எனது மேலாளர் என்னுடன் இருந்தார். அடுத்த ஓரிரு நாட்களுக்குப் பிறகு, அவர் என்னை அழைத்து மீண்டும் தனது இடத்திற்கு வரச் சொன்னார்.

அன்று நன்றாகதான் இருந்தார்

அவர் எனக்கு தனது முகவரியைக் கொடுத்தார், மேலும் நான் ஒரு நடிகை என்பதை வெளிப்படுத்தும் எதையும் அணிய வேண்டாம் என்று என்னிடம் கேட்டார், ஏனெனில் அவர் தனது பகுதியில் உள்ளவர்கள் என்னைப் பற்றி அதிகம் தெரிந்து கொள்ள விரும்பவில்லை. எனவே, நான் ஒரு எளிய சல்வார் கமீஸை அணிந்து அவரது இடத்திற்குச் சென்றேன். அந்த நாளிலும் அவர் முற்றிலும் நன்றாக இருந்தார்.

குடித்து இருந்தார்

அவர் எனக்கு உணவு பரிமாறினார், அவரது போராட்டங்களைப் பற்றி என்னிடம் கூறினார். அவரது பயணத்தில் நான் ஈர்க்கப்பட்டேன். நான் அந்தநாள் புறப்பட்டேன். அவர் மீண்டும் என்னை மற்றொரு நாளில் அழைத்தார். நான் முக்கியமான வேலையில் இல்லாவிட்டால் என்னை வரச் சொன்னார். எனவே, நான் மீண்டும் சென்றேன். அப்போது அவர் குடித்து இருந்தார். சிகரெட் அல்லாத ஒன்றைக் புகைத்துக் கொண்டிருந்தார்; அது மிகவும் மோசமான வாசனையுடன் இருந்தது.

என் மீது படுக்க முயன்றார்

பின்னர் அவர் பேசத் தொடங்கினார், மேலும் என்னை வேறொரு அறைக்கு அழைத்துச் சென்றார், அது ஒரு நூலகம் போன்றது. பழைய வீடியோ கேசட்டுகள் மற்றும் புத்தகங்கள் இருந்தன. அவர் என்னை அங்கே ஒரு சோபாவில் உட்கார வைத்தார், பின்னர், என் மீது படுக்க முயற்சித்தார். எனக்கு சங்கடமாக இருந்தது, ரொம்ப சங்கடமாக இருந்தது, என்னால் நேராக யோசிக்க முடியவில்லை.

கெஞ்சினேன்..

நான் கத்தவில்லை, அதற்கு பதிலாக கெஞ்ச ஆரம்பித்தேன். அவருடன் வசதியாக இருக்கும் பல நடிகைகள் உள்ளனர் என்றும் அவர் 200 க்கும் மேற்பட்ட பெண்களுடன் படுத்துள்ளார் என்றும் கூறினார். அதைச் சொல்லும்போது அவருக்கு எவ்வளவு பெருமையாக இருந்தது! நான் வெளியேறவில்லை, நான் வெளியேற வேண்டும் என்று சொல்லிக்கொண்டிருக்கும்போது, ​​நான் தயாராக இல்லை என்று அவர் புரிந்துகொண்டார்.

பல முறை அழைத்தார்

எனவே, அவர் என்னை மனதளவில் தயார் செய்து பின்னர் மீண்டும் வரும்படி கேட்டார், கடைசியாக வெளியேற ஒரு வாய்ப்பு கிடைத்ததில் நிம்மதி அடைந்தேன், அடுத்த முறை எங்களுக்கு நல்ல நேரம் கிடைக்கும் என்று அவரிடம் சொன்னேன், அவருடைய வீட்டை விட்டு வெளியேறினேன். அந்த நாள் முதல் இப்போது வரை, அவர் என்னை பலமுறை அழைத்த போதிலும், நான் அவரை ஒருபோதும் சந்தித்ததில்லை.

சமாளித்தேன்..

அவர் என்னை ஹோலி கொண்டாட்டங்களுக்கு வரச் சொன்னார்... ஆனால் நான் எப்போதும் அவரைத் தவிர்த்திருக்கிறேன். என் வீட்டில் வேறு யாராவது என்னுடன் தங்கியிருக்கிறார்களா என்று அவர் என்னிடம் கேட்டிருந்தார், நான் என் குடும்பத்துடன் வசிக்கிறேன் என்று சமாளித்தேன். இவ்வாறு நடிகை பயல் கோஷ் கூறியிருக்கிறார்.

ஆதரவும் எதிர்ப்பும்

இதனிடையே நடிகை பயல் கோஷின் குற்றச்சாட்டுக்களை இயக்குநர் அனுராக் காஷ்யப் மறுத்துள்ளார். தன் மீதான குற்றச்சாட்டுக்கள் ஆதாரமற்றவை என்றும் அவர் கூறியுள்ளார் பயல் கோஷின் குற்றச்சாட்டுக்களுக்கு பாலிவுட்டில் ஆதரவும் எதிர்ப்பும் எழுந்துள்ளது குறிப்பிடத்தக்கது.