நடிகை ரம்பா கார் விபத்தில் சிக்கினார்..குழந்தை மருத்துவமனையில் அனுமதி.. அதிர்ச்சியில் ரசிகர்கள்!

நடிகை ரம்பா

உள்ளத்தை அள்ளித்தா திரைப்படத்தின் வெற்றிக்கு பிறகு ரஜினிகாந்துடன் அருணாச்சலம்,கமலுடன் காதலா காதலா, விஜய்யுடன் நினைத்தேன் வந்தாய், விஜய்காந்த், அர்ஜுன், அஜித், பிரபுதேவா என முன்னணி நடிகர்களுடன் இணைந்து நடித்து முன்னணி நடிகையாக மாறினார். தமிழ் மட்டுமில்லாமல் தெலுங்கு, மலையாளம், இந்தி படங்களிலும் நடித்துள்ளார்.

காதல் திருமணம்

படங்களில் பிஸியாக நடித்துக்கொண்டிருந்த ரம்பா, 2010ம் ஆண்டில் காதல் திருமணம் செய்துக் கொண்டு வெளிநாட்டில் செட்டிலானார். இவர்களுக்கு இரண்டு மகள்களும் ஒரு மகனும் இருக்கிறார். இணையத்தில் ஆக்டிவாக இருக்கும் ரம்பா, அவ்வப்போது குழந்தைகளுடன் இருக்கும் போட்டோவை ஷேர் செய்துள்ளார். மீனாவின் கணவர் உயிரிழந்த நிலையில், வெளிநாட்டில் இருந்து வந்து மீனாவுக்கு ஆறுதல் கூறியிருந்தார்.

கார் விபத்துக்குள்ளானது

இந்நிலையில், நடிகை ரம்பா தனது இன்ஸ்டாகிராம் பக்கத்தில்,கார் விபத்துக்குள்ளான வீடியோவை பதிவிட்டுள்ளார். அதில், பள்ளியிலிருந்து குழந்தைகளை அழைத்துச் செல்லும் வழியில் எனது கார் மற்றொரு கார் மீது மோதி விபத்துக்குள்ளானது. இந்த விபத்தில் குழந்தைகளுடன் நான் அதிர்ஷ்ட வசமாக உயிர் தப்பினேன். நாங்கள் அனைவரும் பாதுகாப்பாக இருக்கிறோம்.நானும் என் ஆயாவும் சிறு காயங்களுடன் சிகிச்சை முடிந்து மீண்டுவிட்டோம். ஆனால், என் குட்டி மகள் சாஷா இன்னும் மருத்துவமனையில் இருக்கிறார் என பதிவிட்டுள்ளார்.

பதறிப்போன ரசிகர்கள்

ரம்பாவின் இந்த பதிவினைப் பார்த்து பதறிப்போன ரசிகர்கள் நலம் விசாரித்து வருகின்றனர். மேலும், குழந்தைக்கு ஒன்றும் ஆகாது பயப்படாமல் இருங்கள் என்று பலரும் ரம்பாவுக்கு ஆறுதல் கூறி வருகின்றனர். நடிகை ரம்பாவின் கார் விபத்துக்குள்ளான செய்தி காட்டுத்தீ போல இணையத்தில் வேகமாக பரவி வருகிறது