நடிகை ரோஜாவின் கார் மீது சரமாரி தாக்கு.. உதவியாளருக்கு காயம்..நடந்தது என்ன?

சரமாரி தாக்குதல்

ஆந்திர மாநிலத்திற்கு மூன்று தலைநகரங்கள் வேண்டும் என்ற கோரிக்கையை வலியுறுத்தி, விசாகப்பட்டினம் பகுதியில் போராட்டம் நடைபெற்றது. இப்போராட்டத்தில் பிரபல நடிகையும், ஒய்.எஸ்.ஆர் காங்கிரஸ் கட்சியைச் சேர்ந்த அமைச்சருமான ரோஜா பங்கேற்றார். இப்போராட்டத்தில் பங்கேற்றுவிட்டு திரும்பிய ரோஜா உள்ளிட்ட ஒய்.எஸ்.ஆர். காங்கிரஸ் நிர்வாகிகள் விமான நிலையம் சென்று கொண்டிருந்தனர்.

உதவியாளருக்கு தலையில் காயம்

அப்போது நடிகர் பவன் கல்யாண் கட்சியைச் சேர்ந்த ஜன சேனா கட்சி நிர்வாகிகள் ரோஜாவின் காரை மறித்து சரமாரி தாக்குதல் நடத்தினர். பின்னர், ஒய்.எஸ்.ஆர் கட்சியை சேர்ந்தவர்கள் மீது, ஜன சேனா கட்சி நிர்வாகிகள் கொலைவெறி தாக்குதல் நடத்தியதாக கூறப்படுகிறது. இத்தாக்குதலில் ரோஜாவின் உதவியாளருக்கு தலையில் பலத்த காயமடைந்து மருத்துவமனையில் அனுமதிக்கப்பட்டுள்ளார்.

25 பேர் கைது

அங்கு பாதுகாப்பு பகுதியில் இருந்த பலரும் படுகாயமடைந்தனர். அமைச்சர் ரோஜா மீது கொலைவெறி தாக்குதல் நடத்திய ஜன சேனா கட்சியைச் சேர்ந்த 25 பேரை காவல்துறையினர் கைது செய்தனர். மேலும் அவர்கள் மீது, காவலர்களை வேலை செய்யாமல் தடுத்தது, அமைச்சர் ரோஜா மீது தாக்குதல் நடத்தியதற்காக வழக்கு பதிவு செய்யப்பட்டுள்ளது.

ஓட்டல் முற்றுகை

இதனையடுத்து பவன்கல்யாண் தங்கியிருந்த ஓட்டலை ஒய்எஸ்ஆர் காங்கிரஸ் கட்சியினர் முற்றுகையிட்டு ஆர்பாட்டம் செய்தனர். இதையடுத்து, ஆர்ப்பாட்டக்காரர்களை போலீசார் அங்கிருந்து வெளியேற்றினர். இருப்பினும் அப்பகுதியில் பதற்றமான சூழ்நிலை நிலவுவதால், அப்பகுதியில் போலீஸ் பாதுகாப்பு போடப்பட்டுள்ளது.