உருகி உருகி காதலித்தேன்..இப்படி ஆகும்னு நினைக்கல..காதலன் குறித்து மனம் திறந்த சாக்ஷி அகர்வால்!

நடிகை சாக்ஷி அகர்வால்

விஜய் டிவியில் ஒளிபரப்பான பிக்பாஸ் நிகழ்ச்சியில் கலந்து கொண்ட சாக்ஷி அதன் பிறகு பிரபலமானார். தற்போது ஏகப்பட்ட ரசிகர்களை வைத்திருக்கும் சாக்ஷி அகர்வால், பஹிரா, ஆயிரம் ஜென்மங்கள், தி நைட், நான் கடவுள் இல்லை, கேஸ்ட் சாப்டர்2, குறுக்கு வழி என ஏகப்பட்ட படங்களை கைவசம் வைத்து இருக்கிறார்.

இணையத்தில் படு ஆக்டிவ்

சினிமாவில் என்னத்தான் பிஸியாக இருந்தாலும், வாழ வைத்த ரசிகர்களை மறக்கக்கூடாது என்பதை மனதில் வைத்துக்கொண்டு தினமும், வலைத்தள பக்கத்தில் அதிரிபுதிரியாக கவர்ச்சி புகைப்படத்தை பகிர்ந்து வருகிறார். இதனால் இவரது ரசிகர்கள் இவரை பின் தொடர்வதை வழக்கமாக கொண்டுள்ளனர்.

நான் கடவுள் இல்லை

இந்நிலையில், எஸ்.ஏ. சந்திர சேகர் இயக்கத்தில் நான் கடவுள் இல்லை படத்தில் அதிரடியான ஆக்ஷன் காட்சிகளில் நடித்துள்ளார். இதுகுறித்து, யூடியூப் சேனல் ஒன்றுக்கு பேட்டி அளித்த சாக்ஷி அகர்வால், நான் கடவுள் இல்லை படத்தில் சிபிசிஐடி அதிகாரியாக நடித்துக் கொண்டிருக்கிறார். அதில் வரும் பல சண்டை காட்சியில் டூப் போடாமல் பல ரிஸ்க்கான காட்சிகளில் நடித்துள்ளதாக கூறினார்.

உருகி உருகி காதலித்தேன்

தொடர்ந்து பேசிய சாக்ஷி அகர்வால், நான் இன்ஜினியரிங் கல்லூரியில் படித்துக்கொண்டிருந்த போது ஒருவரை உருகி உருகி காதலித்தேன். எங்கள் காலேஜில் பாய்ஸ், கேர்ள்ஸ் பேசிக்கவே கூடாது, அப்படி பேசுனதைப் பார்த்தா அவ்வளவு தான் இதனால், நாங்க கண்ணாலத்தான் பேசிப்போம், நான் காதலித்த நபர் ஹாஸ்டலில் இருந்ததால், மாசத்திற்கு ஒரு முறைதான் வெளியில் சந்தித்து பேசுவோம் அது ஒரு அழகான காதல்.

இப்படி ஆகும்னு நினைக்கல

இப்படியே நாங்கள் 4 வருடங்கள் காதலித்தோம் ஆனால், சில தனிப்பட்ட காரணங்களால் நாங்கள் இருவரும் பிரிந்துவிட்டோம். இருவரும் இப்படி பிரிந்து விடுவோம் என்று நான் கொஞ்சமும் நினைக்கவில்லை. இருந்தாலும் அந்த முதல் காதல் மனதிற்குள் பசுமையாகவே இருக்கு என்று கூறியுள்ளார்.