"அம்மா, நீங்கள் செய்த கொடுமைகளுக்கு நன்றி".. புகார் கூறிய தாய் பற்றி நடிகை சங்கீதா உருக்கமான பதிவு!

தாய் புகார்

இந்நிலையில், சங்கீதாவின் தாயார் தமிழ்நாடு மகளிர் ஆணையத்தில் புகார் ஒன்று கொடுத்ததால் பரபரப்பு ஏற்பட்டது. அதில் அவர், சங்கீதா தன்னை வீட்டை விட்டு துரத்திவிட்டதாக அவர் குற்றம் சாட்டி இருந்தார். அதனால் சங்கீதா பற்றி சமூக வலைத்தளங்களில் கடும் விமர்சனம் எழுந்தது.

சங்கீதா விளக்கம்

இது தொடர்பாக சங்கீதா நேரில் ஆஜராகி, மகளிர் ஆணையத்தில் விளக்கம் ஒன்றையும் அளித்தார். அதில் அவர், ‘சம்பந்தப்பட்ட வீடு தனது சொந்த சம்பாத்தியத்தில் வாங்கியது என்றும், அதில் தனக்கு மட்டுமே முழு உரிமையுள்ளது என்றும், அந்த வீட்டை தனது தாயார் சகோதரர்களுக்கு பிடுங்கித் தர திட்டமிடுவதாகவும் தெரிவித்திருந்தார்.

உருக்கமான டிவீட்

இது ஒருபுறம் இருக்க, தாயார் தனக்கு செய்த கொடுமைகள் பற்றி தனது டிவிட்டர் பக்கத்தில் உருக்கமான பதிவு ஒன்றையும் வெளியிட்டுள்ளார் சங்கீதா. அந்தப் பதிவில், "பள்ளியில் இருந்து நிறுத்தி 13 வயதிலேயே வேலைக்கு அனுப்பினீர்கள், என்னிடம் பல பிளாங்க் செக்கில் கையெழுத்து வாங்கிவைத்துக்கொண்டீர்கள்.

மகன்களின் சந்தோஷத்திற்காக...

குடிக்கு அடிமையாகி வேலைக்கே போகாத உங்கள் மகன்களுக்காக என்னை சுரண்டினீர்கள். நானாக போராடி வெளியேறும் வரை திருமணம் செய்ய விடவில்லை. என் கணவரை தொல்லை செய்து என் குடும்ப அமைதியை அழித்தீர்கள்.

பொய் புகார்

இப்போது இப்படி ஒரு பொய் புகார் அளித்துள்ளீர்கள். அனைத்திற்கும் நன்றி. உங்களால் தான் நான் சாதாரண குழந்தையாக இருந்து தற்போது போராளியாக நிற்கிறேன்" என சங்கீதா உருக்கமாக தெரிவித்துள்ளார்.