விஜய் டிவியில் அதிகரிக்கும் உருவ கேலி.. உரிமை கொடுத்தது யார்? கொந்தளிக்கும் நடிகை

ஸ்ரீபிரியா கண்டனம்

இந்நிலையில் விஜய் டிவியின் தொகுப்பாளர்களான மாகாபாவும் பிரியங்காவும் மற்றவர்களை உருவ கேலி செய்து கிண்டலடித்துள்ளனர். இதற்கு நடிகை ஸ்ரீபிரியா கடுமையாக கண்டனம் தெரிவித்துள்ளார்.

யார் உரிமை கொடுத்தது?

உருவகேலிக்கு எதிராக அவர் பல டிவிட்டுகளையும் பதிவிட்டுள்ளார். அதில் கூறியிருப்பதாவது, விஜய் டிவி சூப்பர் சிங்கரில் ஒருவரின் மூக்கை கேலிசெய்வதும்,எடையை கேலிசெய்வதும் சரியில்லை, மகாபா, பிரியங்கா உங்களின் தொகுத்து வழங்கும் திறமை எனக்கு வியப்பை அளிப்பது உண்மை, நீங்கள் ஒருவரை ஒருவர் கேலி செய்து கொள்ளுங்கள் மற்றவரை கேலி செய்து அசிங்கப்படுத்தும் உரிமை யார் கொடுத்தது #உருவகேலியைஎதிர்போம். என்று கூறியிருக்கிறார்.

காமெடி செய்வது கேவலம்!

நேரம் கிடைக்கும் சமையங்களில் நான் அதிகம் பார்ப்பது விஜய்டிவி தான் அனைத்து நிகழ்ச்சிகளிலும் உருவ கேலி அதிகம் வருவது சோகம்.. மாற்றிக்கொள்வார்களா? ஒருவரை கேலி செய்து காமெடி செய்வது கேவலம்! என்று கடுமையாக சாடியிருக்கிறார் நடிகை ஸ்ரீபிரியா.

எதிர்ப்பை தெரிவியுங்கள்

என்னுடன் டிவிட்டரில் இணைந்து நிற்க்கும் 495.8 ஆயிரம் மக்களும் உருவகேலியை எதிர்போம் என்பதற்கு ஆதரவு கொடுக்கவேண்டும், நான் பல முறை உருவ கேலிக்கு ஆளாகி வருந்தியிருக்கிறேன், இதைப்போல கேவலமாக என்னை விமர்சித்தவரை நான் கடுமையாக கடிந்திருக்கிறேன்.உங்கள் எதிர்பை தெரிவியுங்கள்! என்று அழைத்திருக்கிறார் நடிகை ஸ்ரீபிரியா.