எடையை குறைச்சு.. கலக்கல் போட்டோ ஷூட் நடத்தியதற்கு காரணம் இதானா? பிக்பாஸ் பிரபலத்தின் அதிரடி முடிவு!

சிவாஜி கணேசனின் பேரன்

ஆனால் பிக்பாஸ் நிகழ்ச்சியில் பங்கேற்ற பிறகே ரசிகர்கள் மத்தியில் பெரும் பிரபலமானார் சுஜா வருணி. தமிழில் கடைசியாக சத்ரு படத்தில் நடித்தார் சுஜா வருணி. இதனை தொடர்ந்து நடிகை சுஜா வருணி கடந்த 2018ஆம் ஆண்டு நடிகர் சிவாஜி கணேசனின் பேரனான நடிகர் சிவாஜி தேவ்வை காதலித்து திருமணம் செய்து கொண்டார்.

த்ரிஷ்யம் 2 படம்

இவர்களுக்கு 2019 ஆம் ஆண்டு ஆத்வித் என்ற மகன் பிறந்தார். திருமணம் ஆகி செட்டிலானதால் சினிமாவில் இருந்து ஒதுங்கி இருந்தார் நடிகை சுஜா வருணி. 'சுசீஸ் ஃபன்' என்ற பெயரில் யூடியூப் சேனலையும் நடத்தி வருகிறார் சுஜா வருணி. இந்நிலையில் நடிகர் வெங்கடேஷ், மீனா நடிப்பில் தெலுங்கில் உருவான 'த்ருஷ்யம் 2' படத்தில் முக்கிய கதாப்பாத்திரத்தல் நடிக்கும் வாய்ப்பை பெற்றார் சுஜா வருணி.

கலக்கல் போட்டோஸ்

இந்தப் படம் சமீபத்தல் ஓடிடி தளத்தில் ரிலீஸ் ஆனது. இப்படத்தில் நடிகை சுஜா வருணி முக்கிய வேடத்தில் நடித்துள்ளார். அவரது நடிப்பு பாராட்டை பெற்றுள்ளது. இதன்மூலம் தொடர்ந்து சினிமாவில் நடிப்பார் என தெரிகிறது. சமூக வலைதளங்களில் ஆக்ட்டிவாக உள்ள நடிகை சுஜா வருணி கலக்கல் போட்டோக்களையும் ஷேர் செய்து வருகிறார்.

போலீஸ் யூனிஃபார்மில்

அடுத்தடுத்து படங்களில் நடிக்கும் ஆர்வத்தில் உள்ளதாலேயே சுஜா வருணி கலக்கல் போட்டோ ஷூட்டுக்களை நடத்தி வருவதாக தகவல் வெளியாகியுள்ளது. இதனிடையே த்ரிஷ்யம் 2 தெலுங்கு படத்தில் போலீஸ் கதாப்பாத்திரத்தில் நடித்த போட்டோக்களை தனது இன்ஸ்டா பக்கத்தில் ஷேர் செய்துள்ளார் சுஜா வருணி.